Local Government Unit of Jomalig, Quezon

📢 PATALASTAS
💍 𝐊𝐀𝐒𝐀𝐋𝐀𝐍𝐆 𝐁𝐀𝐘𝐀𝐍 2026

Inaanyayahan po ng Pamahalaang Bayan ang lahat ng interesadong magpakasal na lumahok sa gaganaping 𝐊𝐚𝐬𝐚𝐥𝐚𝐧𝐠 𝐁𝐚𝐲𝐚𝐧 (Mass Wedding) ngayong darating na Agosto 2026.

Maaaring lumahok ang mga sumusunod:

✅ Mga dalaga at binata na may edad labingwalo (18) pataas
➡️ Edad 18–21 taong gulang – kinakailangang may Parent’s Consent
➡️ Edad 22–25 taong gulang – kinakailangang may Parent’s Advice

✅ Mga magkaparehang nagsasama nang limang (5) taon o higit pa, na parehong may edad 23 pataas

✅ Mga biyudo o biyuda – kinakailangang magsumite ng Death Certificate ng namayapang asawa upang maiwasan ang anumang isyu sa CENOMAR (Certificate of No Marriage)

📌 Paalala:
Magkakaroon ng Pre-Marriage Seminar/Counseling para sa lahat ng kalahok. Ang mga dalaga at binata ay sasailalim din sa sampung (10) araw na posting requirement alinsunod sa itinakdang proseso.

📋 Mga Kailangang Ihanda:

✅ PSA Copy ng Birth Certificate ng babae at lalaki
💰 Halaga: ₱155.00 bawat isa

✅ CENOMAR (Certificate of No Marriage) ng babae at lalaki
💰 Halaga: ₱210.00 bawat isa

✅ Kasalukuyang Cedula (2026) ng babae at lalaki

✅ Marriage Counseling/Orientation Certificate

Para sa iba pang impormasyon, maaaring makipag-ugnayan o bumisita sa aming tanggapan, o tumawag sa mga sumusunod na numero:

📞 0920-673-2495
📞 0981-360-3196

Maraming salamat po

📣Public Advisory

𝐍𝐀𝐓𝐈𝐎𝐍𝐀𝐋 𝐈𝐃 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝟐𝟎𝟐𝟔

Muling magkakaroon ng National ID Registration para sa mga benepisyaryo ng 𝟒 𝐏’𝐬, 𝐋𝐚𝐰𝐚 𝐚𝐭 𝐁𝐢𝐧𝐡𝐢, 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧 at sa mga magpapadelayed registration ng kanilang kapanganakan.

Ito ay gaganapin sa May 27-29, 2026 sa Old Building ng Munisipyo.

Dalhin ang sumusunod:
📌Birth Certificate
📌Any valid ID
📌Brgy. Certification para sa mga walang birth certificate o valid ID
📌Marriage Contract para sa mga babaeng kasal na

Paalala: Wala pong pasok ang Munisipyo ng Biyernes at Sabado kung kaya’t kumuha ng mas maaga ng kopya ng inyong birth certificate o marriage contract.

𝗣𝗔𝗨𝗡𝗔𝗪𝗔 | 𝗣𝗔𝗠𝗔𝗠𝗔𝗛𝗔𝗚𝗜 𝗡𝗚 𝗜𝗡𝗗𝗘𝗠𝗡𝗜𝗧𝗬 𝗖𝗛𝗘𝗖𝗞𝗦 𝗣𝗔𝗥𝗔 𝗦𝗔 𝗠𝗚𝗔 𝗔𝗣𝗘𝗞𝗧𝗔𝗗𝗢𝗡𝗚 𝗠𝗔𝗚𝗦𝗔𝗦𝗔𝗞𝗔 𝗗𝗔𝗛𝗜𝗟 𝗦𝗔 𝗧𝗬𝗣𝗛𝗢𝗢𝗡 𝗨𝗪𝗔𝗡

Sa pangunguna ni Acting Municipal Mayor Dahlia Manalo, ipinababatid po ng Lokal na Pamahalaan ng Jomalig, sa pakikipag-ugnayan sa 𝐏𝐡𝐢𝐥𝐢𝐩𝐩𝐢𝐧𝐞 𝐂𝐫𝐨𝐩 𝐈𝐧𝐬𝐮𝐫𝐚𝐧𝐜𝐞 𝐂𝐨𝐫𝐩𝐨𝐫𝐚𝐭𝐢𝐨𝐧 (𝐏𝐂𝐈𝐂), na nakahanda na po ang pamamahagi ng indemnity checks para sa mga magsasakang naapektuhan ng 𝐓𝐲𝐩𝐡𝐨𝐨𝐧 𝐔𝐰𝐚𝐧.

Kaugnay nito, ang lahat po ng mga pangalang kabilang sa opisyal na listahan ay inaasahang magtungo sa 𝐎𝐥𝐝 𝐁𝐮𝐢𝐥𝐝𝐢𝐧𝐠 – 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐌𝐮𝐧𝐢𝐜𝐢𝐩𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐞 𝐎𝐟𝐟𝐢𝐜𝐞 (𝐌𝐀𝐎) bukas ng 𝐌𝐚𝐫𝐭𝐞𝐬, 𝐌𝐚𝐲𝐨 𝟏𝟗, 𝟐𝟎𝟐𝟔, ganap na 𝐢𝐤𝐚-𝟖:𝟎𝟎 𝐧𝐠 𝐮𝐦𝐚𝐠𝐚 para sa pagkuha ng kanilang 𝐢𝐧𝐝𝐞𝐦𝐧𝐢𝐭𝐲 𝐜𝐡𝐞𝐜𝐤𝐬.

Ang nasabing ayuda ay para lamang po sa mga insured farmers o mga magsasakang nakapagpa-insured ng kanilang mga pananim sa ilalim ng programa ng PCIC bago ang pananalasa ng bagyo. Tanging ang mga pangalan na kabilang sa inilabas na listahan ang maaaring makatanggap ng nasabing indemnity claims.

Inaanyayahan din po ang lahat ng benepisyaryo na magtungo sa tamang oras at magdala ng kaukulang valid identification card para sa maayos at mabilis na proseso ng releasing.

Patuloy pong nakikiisa ang Lokal na Pamahalaan ng Jomalig sa pagbibigay suporta at tulong sa ating mga magsasaka na naapektuhan ng kalamidad.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨.

📢 PUBLIC ADVISORY | 𝐋𝐓𝐎 𝐄-𝐏𝐀𝐓𝐑𝐎𝐋 𝐂𝐀𝐑𝐀𝐕𝐀𝐍 𝐒𝐀 𝐉𝐎𝐌𝐀𝐋𝐈𝐆 🛞🚙 Jomalig Municipal Covered Court

Sa lahat po ng mga nagpalista at kabilang sa opisyal na listahan ng kukuha ng 𝐒𝐭𝐮𝐝𝐞𝐧𝐭 𝐃𝐫𝐢𝐯𝐞𝐫’𝐬 𝐏𝐞𝐫𝐦𝐢𝐭, inaasahan po ang inyong pagdalo bukas, 𝐌𝐚𝐲 𝟏𝟗, 𝟐𝟎𝟐𝟔, 𝐛𝐚𝐠𝐨 𝐦𝐚𝐠-𝟖:𝟎𝟎 𝐧𝐠 𝐮𝐦𝐚𝐠𝐚.

Matapos pong pormal na humiling ang 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐉𝐨𝐦𝐚𝐥𝐢𝐠 sa 𝐋𝐚𝐧𝐝 𝐓𝐫𝐚𝐧𝐬𝐩𝐨𝐫𝐭𝐚𝐭𝐢𝐨𝐧 𝐎𝐟𝐟𝐢𝐜𝐞 para mailapit sa ating bayan ang mga serbisyong matagal nang kinakailangan ng ating mga residente, narito na po ang pagkakataong matagal nating hinihintay.

Hindi po naging madali ang pagdadala ng 𝐋𝐓𝐎 𝐂𝐚𝐫𝐚𝐯𝐚𝐧 sa isang malayong isla tulad ng Jomalig. Isinulong ito ng Lokal na Pamahalaan upang matulungan ang ating mga kababayan—lalo na ang mga 𝐡𝐚𝐛𝐚𝐥-𝐡𝐚𝐛𝐚𝐥 𝐝𝐫𝐢𝐯𝐞𝐫𝐬, 𝐦𝐨𝐭𝐨𝐫𝐜𝐲𝐜𝐥𝐞 𝐨𝐰𝐧𝐞𝐫𝐬, 𝐚𝐭 𝐦𝐠𝐚 𝐫𝐞𝐬𝐢𝐝𝐞𝐧𝐭𝐞𝐧𝐠 𝐧𝐚𝐢𝐬 𝐦𝐚𝐠𝐤𝐚𝐫𝐨𝐨𝐧 𝐧𝐠 𝐥𝐞𝐠𝐚𝐥 𝐧𝐚 𝐝𝐨𝐤𝐮𝐦𝐞𝐧𝐭𝐨 𝐬𝐚 𝐩𝐚𝐠𝐦𝐚𝐦𝐚𝐧𝐞𝐡𝐨—na hindi na kailangang gumastos at lumuwas pa sa mainland para lamang makapagproseso sa LTO.

Napakahalaga po nito para sa ating bayan. Bukod sa malaking tipid sa pamasahe, pagkain, at oras, ito rin ay hakbang tungo sa mas ligtas, legal, at maayos na transportasyon sa Jomalig. Ang pagkakaroon ng lisensya at tamang dokumento ay hindi lamang requirement ng batas kundi responsibilidad din para sa kaligtasan ng bawat mamamayan at pasahero.

Dahil bibihira lamang makarating sa ating bayan ang ganitong serbisyo, hinihikayat po namin ang lahat ng nasa listahan na samantalahin na ang pagkakataong ito habang narito ang LTO Caravan.

Maging maagap po at siguraduhing dala ang kumpletong requirements upang maging maayos at mabilis ang proseso.

𝐌𝐚𝐫𝐚𝐦𝐢𝐧𝐠 𝐬𝐚𝐥𝐚𝐦𝐚𝐭 𝐩𝐨 𝐬𝐚 𝐢𝐧𝐲𝐨𝐧𝐠 𝐩𝐚𝐤𝐢𝐤𝐢𝐢𝐬𝐚 𝐚𝐭 𝐬𝐮𝐩𝐨𝐫𝐭𝐚.

𝐇𝐨𝐧. 𝐑𝐨𝐛𝐞𝐫𝐭 𝐓. 𝐂𝐚𝐧𝐝𝐞𝐥𝐚𝐫𝐢𝐚 Robert Candelaria
SB Committee on Transportation and Communication

𝐇𝐨𝐧. 𝐃𝐚𝐡𝐥𝐢𝐚 𝐌𝐚𝐧𝐚𝐥𝐨 Dahlia Manalo
Acting Municipal Mayor

📢 PUBLIC ADVISORY | LTO TDC SEMINAR

Ipinaaalam po ng Lokal na Pamahalaan ng Jomalig na narito na po sa kasalukuyan ang mga LTO personnel sa ating bayan.

Ang LTO Theoretical Driving Course (TDC) Seminar ay tuloy na po at inaasahang magsisimula bago mag-alas 8:00 ng umaga bukas, May 19, 2026.

Pinapayuhan po ang lahat ng participants na agad na pumunta sa venue at ihanda ang mga kinakailangang requirements upang maiwasan ang delay at masiguro ang maayos na daloy ng programa.

Maraming salamat po sa inyong agarang kooperasyon at pakikiisa.

📢 PUBLIC ADVISORY | LTO TDC SEMINAR

Ipinaaalam po ng Lokal na Pamahalaan ng Jomalig na magsisimula ngayong araw, May 18, 2026, ang LTO Theoretical Driving Course (TDC) Seminar.

Sa kasalukuyan ay hinihintay pa po ang pagdating ng bangka na sakay ang mga LTO personnel. Magpo-post po muli ang LGU Official Page mamaya para sa confirmed na oras ng pagsisimula once finalized na po ang schedule.

Pinapayuhan po ang lahat ng participants na manatiling updated at i-monitor ang mga susunod na announcements.

Maraming salamat po sa inyong pang-unawa at pakikiisa.

⚠️ 𝐏𝐀𝐔𝐍𝐀𝐖𝐀 | 𝐁𝐀𝐍𝐈 𝐁𝐑𝐈𝐃𝐆𝐄

Mariin pong ipinapakiusap ng 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐉𝐨𝐦𝐚𝐥𝐢𝐠 na pansamantalang iwasan muna ang pagdaan ng mabibigat na sasakyan sa 𝐁𝐚𝐧𝐢 𝐁𝐫𝐢𝐝𝐠𝐞 (𝐦𝐮𝐥𝐚 𝐆𝐚𝐧𝐠𝐨 𝐩𝐚𝐩𝐮𝐧𝐭𝐚𝐧𝐠 𝐁𝐫𝐠𝐲. 𝐁𝐮𝐤𝐚𝐥).

Malaki na po ang bitak ng tulay at delikado na itong daanan. Anumang sobrang bigat na daraan ay maaaring maging sanhi ng tuluyang pagbagsak o pagkasira nito. Kapag nangyari po iyon, maging motorsiklo at habal-habal ay hindi na makakatawid na magdudulot ng matinding abala sa mga residente, estudyante, manggagawa, at emergency transportation ng barangay.

Habang wala pa po ang bagong tulay, responsibilidad nating lahat na ingatan ang kasalukuyang daanan. Huwag na po nating hintaying magkaroon ng aksidente bago tayo sumunod.

Ang construction ng bagong tulay ay priority project ng 𝐋𝐆𝐔 𝐉𝐨𝐦𝐚𝐥𝐢𝐠 sa ilalim ng 𝟐𝟎% 𝐃𝐞𝐯𝐞𝐥𝐨𝐩𝐦𝐞𝐧𝐭 𝐅𝐮𝐧𝐝 (𝐑𝐞𝐩𝐫𝐨𝐠𝐫𝐚𝐦𝐦𝐞𝐝), at kasalukuyan nang pinapabilis ang proseso sa pamamagitan ng 𝐄𝐦𝐞𝐫𝐠𝐞𝐧𝐜𝐲 𝐏𝐮𝐫𝐜𝐡𝐚𝐬𝐞 para agad masimulan ang implementation.

Nakikiusap po ang Lokal na Pamahalaan sa lahat ng motorista at residente na makiisa at sumunod para sa kaligtasan ng bawat isa.

𝑲𝒂𝒍𝒊𝒈𝒕𝒂𝒔𝒂𝒏 𝒏𝒈 𝒎𝒂𝒎𝒂𝒎𝒂𝒚𝒂𝒏 𝒂𝒏𝒈 𝒏𝒂𝒌𝒂𝒕𝒂𝒚𝒂 𝒓𝒊𝒕𝒐.

📢 TUPAD ORIENTATION SCHEDULE

Inaanyayahan po ang lahat ng benepisyaryo ng TUPAD na dumalo sa Orientation na gaganapin sa kani-kanilang Barangay Hall sa May 14, 2026.

🕗 Barangay Gango – 8:00 AM
🕙 Barangay Bukal – 10:00 AM
🕐 Barangay Apad – 1:00 PM
🕒 BarangayCasuguran – 3:00 PM
🕓 Barangay Talisoy – 4:00 PM

📍 Venue: Barangay Hall

Mahalagang makadalo upang malaman ang mga mahahalagang impormasyon at guidelines kaugnay ng programa. Maraming salamat po.