Presidential Commission for the Urban Poor

𝐈𝐂𝐘𝐌𝐈 | Kaalaman sa Serbisyong Pangkalusugan, Hatid sa mga UPO sa Davao City

Bilang bahagi ng patuloy na pagsusulong ng karapatan sa serbisyong pangkalusugan, nagsagawa ang PCUP Mindanao, katuwang ang PhilHealth Region XI, ng Advocate and Knowledge Officer (AKO) Training for PhilHealth Programs and Services nitong ika-19 ng Hunyo 2026 sa Brgy. Talomo Proper, Davao City.

Layunin ng pagsasanay na palawakin ang kaalaman ng mga kinatawan ng Urban Poor Organizations (UPOs) hinggil sa mga programa at benepisyo ng PhilHealth upang mas maging epektibo silang tagapagbahagi ng impormasyon at tagapag-ugnay sa kanilang mga komunidad.

Kaagapay ng pagsusulong ni PCUP Chairperson at CEO, Usec. Michelle Anne "Che-Che" B. Gonzales, ng mga programang naglalapit ng mahahalagang serbisyo sa mga maralitang tagalungsod, sinusuportahan ng gawaing ito ang layunin ng Framework na mapabuti ang access ng mga komunidad sa mga pangunahing serbisyo ng pamahalaan.

𝐏𝐂𝐔𝐏 𝐏𝐑𝐄𝐒𝐒 𝐑𝐄𝐋𝐄𝐀𝐒𝐄 | 𝐃𝐇𝐒𝐔𝐃 𝐒𝐄𝐂𝐑𝐄𝐓𝐀𝐑𝐘 𝐀𝐋𝐈𝐋𝐈𝐍𝐆, 𝐊𝐈𝐍𝐈𝐋𝐀𝐋𝐀 𝐍𝐆 𝐏𝐂𝐔𝐏 𝐁𝐈𝐋𝐀𝐍𝐆 𝐁𝐀𝐘𝐀𝐍𝐈 𝐍𝐆 𝐔𝐑𝐁𝐀𝐍 𝐏𝐎𝐎𝐑 𝟐𝟎𝟐𝟔

QUEZON CITY — Kinilala ng Presidential Commission for the Urban Poor (PCUP) si Department of Human Settlements and Urban Development (DHSUD) Secretary Jose Ramon “Ping” P. Aliling bilang Bayani ng Urban Poor Award 2026 bilang parangal sa kanyang mahalagang ambag sa pagsusulong ng mga programang pabahay at seguridad sa paninirahan para sa sektor ng maralitang tagalungsod.

Igagawad ang nasabing pagkilala bilang bahagi ng pagdiriwang ng unang anibersaryo ng Project at paggunita sa Buwan ng mga Bayani ngayong Agosto.

Ayon sa , kinikilala si Secretary Aliling dahil sa kanyang matatag na pamumuno at makabuluhang kontribusyon sa pagpapalawak ng access ng mga maralitang tagalungsod sa ligtas, disente, at abot-kayang pabahay. Malaki rin ang naging bahagi ng DHSUD sa pagsusulong ng mga layunin ng ALPAS Komunidad Project sa pamamagitan ng whole-of-nation approach na nag-uugnay sa iba’t ibang ahensya ng pamahalaan upang matugunan ang mga pangunahing pangangailangan ng sektor.

Sa pangunguna ni PCUP Chairperson at CEO Usec. Michelle Anne "Che-Che" B. Gonzales, kinilala ng Komisyon ang mahalagang papel ng DHSUD sa pagpapalakas ng Pabahay Pillar ng ALPAS Komunidad. Batay sa PCUP Policy Brief No. 2: ALPAS in Action – PCUP 2025 Performance and Strategic Directions for 2026–2028, ang Pabahay Pillar ang nagtala ng pinakamataas na antas ng tagumpay sa limang haligi ng ALPAS, na umabot sa 60.63% o katumbas ng 910,440 benepisyaryong pamilya sa buong bansa taong 2025.

Sa ilalim ng pamumuno ni Secretary Aliling, isinulong ng ang mga programang naglalayong mapabilis ang pagproseso ng Certificates of Eligibility para sa mga Presidential Proclamations, pagpapalakas ng Community Mortgage Program (CMP), at mas pinaigting na pagpapatupad ng Enhanced Community Mortgage Program (ECMP) sa ilalim ng Expanded Pambansang Pabahay para sa Pilipino (4PH) Program ng administrasyon ni Pangulong R. Marcos Jr. Marcos JR

Sa kasalukuyan, tinatayang nasa 45 ECMP sites na sa iba’t ibang bahagi ng bansa ang naisakatuparan sa ilalim ng programa, kabilang ang ilang lugar na saklaw ng presidential proclamations.

Ayon sa PCUP, ang pagkilala kay Secretary Aliling ay sumasalamin sa diwa ng ALPAS Komunidad bilang isang whole-of-nation approach tungo sa mas inklusibo, matatag, at maunlad na kinabukasan para sa sektor ng maralita.

Samantala, patuloy ding nakikipagtulungan ang PCUP sa DHSUD, Department of Social Welfare and Development (DSWD), mga Civil Society Organizations (CSOs), at iba pang stakeholders upang maisakatuparan ang paggawad ng mas malalaking presidential proclamation sites tulad ng BASECO at Parola sa Lungsod ng Maynila, Tala Estate sa Camarin, Caloocan City, at iba pang lugar na makatutulong sa layuning mabigyan ng ligtas na paninirahan at mas maayos na kalidad ng buhay ang maralitang tagalungsod.

visit us here: https://pcup.gov.ph/dhsud-secretary-aliling-kinilala-ng-pcup-bilang-bayani-ng-urban-poor-2026/

𝐀𝐋𝐏𝐀𝐒 𝐏𝐈𝐋𝐋𝐀𝐑 𝐀 – 𝐜𝐜𝐞𝐬𝐬 | 𝐌𝐠𝐚 𝐔𝐫𝐛𝐚𝐧 𝐏𝐨𝐨𝐫 𝐎𝐫𝐠𝐚𝐧𝐢𝐬𝐚𝐬𝐲𝐨𝐧 𝐬𝐚 𝐍𝐂𝐑, 𝐆𝐢𝐧𝐚𝐰𝐚𝐫𝐚𝐧 𝐧𝐠 𝐀𝐜𝐜𝐫𝐞𝐝𝐢𝐭𝐚𝐭𝐢𝐨𝐧 𝐂𝐞𝐫𝐭𝐢𝐟𝐢𝐜𝐚𝐭𝐞𝐬

Noong ika-16 ng Hunyo 2026, iginawad ng Presidential Commission for the Urban Poor (PCUP) ang Accreditation Certificates sa mga Urban Poor Organizations (UPOs) sa National Capital Region bilang pagkilala sa kanilang pagsunod sa mga pamantayan ng akreditasyon at aktibong pakikilahok sa pagsusulong ng kapakanan ng mga maralitang tagalungsod.

Pinangunahan ni Mr. Mark Kreeger Bonagua, Assistant Chief of Operations ng PCUP NCR, ang programa at binigyang-diin ang kahalagahan ng pagiging organisado at responsableng paggamit ng akreditasyon upang higit pang mapalakas ang boses at representasyon ng mga komunidad.

Nagbahagi rin ng mensahe ng pasasalamat ang mga kinatawan ng mga bagong akreditadong organisasyon mula sa Caloocan City at Quezon City, habang pinaalalahanan ni Area Coordinator Lucito Mallari ang mga samahan na panatilihing aktibo ang kanilang akreditasyon sa pamamagitan ng patuloy na pakikilahok sa mga programa ng PCUP.

🌈 𝗣𝗖𝗨𝗣 𝗖𝗼𝗹𝗼𝗿𝘀 𝗼𝗳 𝗣𝗿𝗶𝗱𝗲: 𝗢𝗥𝗔𝗡𝗚𝗘 🧡

Sa temang "𝗖𝗲𝗹𝗲𝗯𝗿𝗮𝘁𝗶𝗻𝗴 𝗗𝗶𝘃𝗲𝗿𝘀𝗶𝘁𝘆: 𝗠𝗮𝗹𝗮𝘆𝗮𝗻𝗴 𝗜𝗽𝗮𝗵𝗮𝘆𝗮𝗴 𝗮𝗻𝗴 𝗦𝗮𝗿𝗶𝗹𝗶, 𝗠𝗮𝗹𝗮𝘆𝗮𝗻𝗴 𝗠𝗮𝗴𝗶𝗻𝗴 𝗧𝗼𝘁𝗼𝗼," nakiisa ang mga kawani ng PCUP mula Central Office hanggang Mindanao, sa pagsusuot ng kulay kahel bilang simbolo ng pagtanggap, paggalang, at pagkilala sa pagkakaiba-iba ng bawat isa.

Sa PCUP, naniniwala ito na ang bawat tao ay may puwang, may boses, at may karapatang maging tunay sa kanilang sarili. 🧡

𝙃𝘼𝙋𝙋𝙔 𝙋𝙍𝙄𝘿𝙀! 🏳️‍🌈

𝐈𝐂𝐘𝐌𝐈 | 𝐏𝐀𝐆𝐏𝐀𝐏𝐀𝐋𝐀𝐊𝐀𝐒 𝐍𝐆 𝐊𝐀𝐊𝐀𝐘𝐀𝐇𝐀𝐍 𝐍𝐆 𝐌𝐆𝐀 𝐀𝐂𝐂𝐑𝐄𝐃𝐈𝐓𝐄𝐃 𝐔𝐑𝐁𝐀𝐍 𝐏𝐎𝐎𝐑 𝐀𝐒𝐒𝐎𝐂𝐈𝐀𝐓𝐈𝐎𝐍𝐒 𝐒𝐀 𝐁𝐑𝐆𝐘. 𝐀𝐂𝐌𝐀𝐂, 𝐈𝐋𝐈𝐆𝐀𝐍 𝐂𝐈𝐓𝐘

Matagumpay na isinagawa ng PCUP Mindanao nito lang Lunes, ika-22 ng Hunyo 2026, ang Basic Leadership, Organizational Management, at Financial Literacy Training para sa mga opisyal ng limang (5) accredited Urban Poor Associations sa Brgy. Acmac, Iligan City.

Pinangunahan ni Area Coordinator Ms. Alma Mae Balabag ang talakayan sa epektibong pamumuno at organisasyonal na pamamahala, habang nagbahagi naman si Ms. Angelie Marie Resabal ng DTI–Lanao del Norte ng mahahalagang kaalaman sa wastong paghawak at pamamahala ng pananalapi.

Layon ng pagsasanay na higit pang palakasin ang kakayahan ng mga samahan sa pamumuno, pamamahala ng organisasyon, at paghahanda sa mga programang pangkabuhayan.

Kaakibat ito ng adbokasiya ni PCUP Chairperson at CEO, Usec. Michelle Anne "Che-Che" B. Gonzales, na palakasin ang kapasidad ng mga urban poor organizations bilang katuwang sa pag-unlad ng kanilang mga komunidad, alinsunod sa Sustainability at Livelihood components ng Project.

𝐌𝐎𝐑𝐍𝐈𝐍𝐆 𝐏𝐑𝐀𝐘𝐄𝐑 | 24 June 2026

𝐈𝐂𝐘𝐌𝐈 | 𝐀𝐆𝐈𝐋𝐀 𝐒𝐋𝐏𝐀, 𝐏𝐨𝐫𝐦𝐚𝐥 𝐧𝐚𝐧𝐠 𝐀𝐤𝐫𝐞𝐝𝐢𝐭𝐚𝐝𝐨 𝐧𝐠 𝐏𝐂𝐔𝐏

Kamakailan lamang ay pormal na iginawad ng PCUP – Field Operations Division for Luzon ang Certificate of Accreditation sa Agila SLPA sa Tabuk City, Kalinga.

Ang samahan, na binubuo ng mga kababaihang inorganisa ng DSWD-CAR, ay nagsusulong ng isang community-based mini-grocery enterprise bilang dagdag na pagkakakitaan tungo sa mas matatag na kabuhayan.

Personal na ipinagkaloob ni PCUP-FODL Assistant Chief at Area Coordinator Mr. Wilfredo U. Siena, ang sertipiko ng akreditasyon, kalakip ang oryentasyon hinggil sa mga programa at oportunidad na maaaring makatulong sa higit pang pagpapaunlad ng organisasyon.

Mabuhay at pagbati, Agila SLPA!

📢 𝗣𝗖𝗨𝗣 𝗡𝗖𝗥, 𝗺𝗮𝘆 𝗯𝗮𝗴𝗼 𝗻𝗮𝗻𝗴 𝘁𝗮𝗵𝗮𝗻𝗮𝗻!

Malugod pong ipinapaalam sa lahat ng mga partner organizations, urban poor communities, at stakeholders na ang Field Operations Division – National Capital Region (FOD-NCR) ay lumipat na sa bago nitong tanggapan.

📍 Matatagpuan ang kanilang opisina sa:
𝟔/𝐅 𝐃𝐇𝐂 𝐁𝐮𝐢𝐥𝐝𝐢𝐧𝐠, 𝟏𝟏𝟏𝟓 𝐄𝐃𝐒𝐀, 𝐏𝐫𝐨𝐣𝐞𝐜𝐭 𝟕, 𝐁𝐫𝐠𝐲. 𝐕𝐞𝐭𝐞𝐫𝐚𝐧𝐬 𝐕𝐢𝐥𝐥𝐚𝐠𝐞, 𝐐𝐮𝐞𝐳𝐨𝐧 𝐂𝐢𝐭𝐲

Ang lahat ng transaksyon, koordinasyon, at pagbisita sa tanggapan ng PCUP NCR ay maaari nang gawin sa bago nitong lokasyon.

Maraming Salamat po!

📢 𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Upang higit na mapabuti ang aming serbisyo sa mga organisasyon at komunidad ng maralitang lungsod sa National Capital Region, ipinaaalam po namin na ang Field Operations Division – NCR (FOD-NCR) ay mayroon nang bagong tanggapan.

Ang lahat ng transaksyon, koordinasyon, at pagbisita sa tanggapan ng FOD-NCR ay maaari nang gawin sa aming bagong lokasyon.

Maraming salamat sa inyong patuloy na pagtitiwala, suporta, at pakikiisa sa mga programa at serbisyo ng PCUP para sa maralitang lungsod.

with Presidential Commission for the Urban Poor

𝐀𝐋𝐏𝐀𝐒 𝐏𝐈𝐋𝐋𝐀𝐑 𝐏-𝐚𝐛𝐚𝐡𝐚𝐲 | Pangarap na Lupa, Ngayon ay Pagmamay-ari na ng Purity HOA

Isang mahalagang yugto ang naabot ng mga miyembro ng Purity Homeowners Association, Inc. (PHOAI) matapos ang pormal na paglilipat ng pagmamay-ari ng isang 19,000-square-meter na lupa sa Barangay Mansilingan, Bacolod City noong nakaraang Biyernes, ika-19 ng Hunyo 2026.

Sa pamamagitan ng Direct Negotiated Purchase scheme, matagumpay na nabili at nabayaran ng samahan ang lupang nagkakahalaga ng ₱11.2 milyon mula sa BPI, na nagbigay sa kanilang mga miyembro ng seguridad sa paninirahan at legal na pagmamay-ari ng lupang matagal na nilang tinatawag na tahanan.

Dinaluhan ng 135 miyembro ng samahan, kasama ang mga kinatawan mula sa BPI, Bacolod Housing Authority (BHA), SHED, at PCUP, ang turnover ceremony bilang pagdiriwang ng tagumpay na bunga ng pagtutulungan, tiyaga, at pagkakaisa ng komunidad.

Kasunod ng turnover, binisita rin ng PCUP Visayas at mga partner agency ang mini aquaculture project ng samahan na kasalukuyang iniendorso sa DSWD-Sustainable Livelihood Program (SLP), bilang bahagi ng pagpapalawak ng mga oportunidad sa kabuhayan para sa mga miyembro.

Kaugnay ito ng pagsusulong ni PCUP Chairperson at CEO, Usec. Michelle Anne "Che-Che" B. Gonzales, ng mga programang nakatuon sa seguridad sa paninirahan at pangmatagalang pag-unlad ng mga komunidad sa ilalim ng Framework. Patunay ang tagumpay ng Purity HOA na sa pamamagitan ng pagkakaisa, tamang suporta, at aktibong partisipasyon, nagiging posible ang pangarap na magkaroon ng sariling lupa at mas matatag na kinabukasan.

𝙈𝙖𝙞𝙣𝙞𝙩 𝙣𝙖 𝙥𝙖𝙜𝙗𝙖𝙩𝙞 𝙥𝙤, 𝙢𝙪𝙡𝙖 𝙨𝙖 𝙋𝘾𝙐𝙋! 🤝

𝐏𝐂𝐔𝐏 𝐏𝐑𝐄𝐒𝐒 𝐑𝐄𝐋𝐄𝐀𝐒𝐄 | 𝐏𝐂𝐔𝐏 𝐀𝐓 𝐏𝐇𝐈𝐋𝐅𝐈𝐃𝐀, 𝐍𝐀𝐊𝐀𝐓𝐀𝐊𝐃𝐀𝐍𝐆 𝐋𝐔𝐌𝐀𝐆𝐃𝐀 𝐍𝐆 𝐌𝐎𝐀 𝐏𝐀𝐑𝐀 𝐏𝐀𝐋𝐀𝐖𝐀𝐊𝐈𝐍 𝐀𝐍𝐆 𝐌𝐆𝐀 𝐎𝐏𝐎𝐑𝐓𝐔𝐍𝐈𝐃𝐀𝐃 𝐒𝐀 𝐊𝐀𝐁𝐔𝐇𝐀𝐘𝐀𝐍 𝐍𝐆 𝐌𝐀𝐑𝐀𝐋𝐈𝐓𝐀

Nakatakdang lumagda ang Presidential Commission for the Urban Poor (PCUP) at Philippine Fiber Industry Development Authority (PhilFIDA) sa isang Memorandum of Agreement (MOA) na naglalayong palawakin ang mga oportunidad sa kabuhayan para sa mga komunidad ng maralitang tagalungsod sa buong bansa.

Sa ilalim ng planong pagtutulungan, mabibigyan ang mga benepisyaryo ng kaalaman at kasanayan sa fiber production, processing, weaving, at product development. Layunin din nitong matulungan silang magkaroon ng mas malawak na access sa mga kinakailangang resources at mga oportunidad sa merkado upang mapataas ang kanilang kita at mapabuti ang kanilang kalidad ng pamumuhay.

____________________________________________

Sa ilalim ng pamumuno ni PCUP Chairperson at CEO Usec. Michelle Anne "Che-Che" B. Gonzales, patuloy na isinusulong ng Komisyon ang ALPAS Komunidad Project sa pamamagitan ng pakikipagtulungan sa iba’t ibang ahensya ng pamahalaan upang makapaghatid ng mga programang tumutugon sa pangangailangan ng sektor ng maralitang tagalungsod. Ang inisyatibong ito ay kaakibat ng whole-of-nation approach ng administrasyon ni Pangulong Ferdinand R. Marcos Jr. sa pagpapalawak ng mga oportunidad sa kabuhayan, pagpapalakas ng mga komunidad, at pagsusulong ng inklusibo at napapanatiling kaunlaran para sa lahat.

read more: https://pcup.gov.ph/pcup-at-philfida-nakatakdang-lumagda-ng-moa-para-palawakin-ang-mga-oportunidad-sa-kabuhayan-ng-maralita/