Sangguniang Barangay ng Labne, San Miguel, Bulacan

“Ipinababatid sa lahat ng 𝑻𝒓𝒊𝒄𝒚𝒄𝒍𝒆 𝑫𝒓𝒊𝒗𝒆𝒓𝒔 sa Bayan ng San Miguel na ipinatutupad ang 𝑳𝒊𝒃𝒓𝒆𝒏𝒈 𝑷𝒓𝒂𝒏𝒈𝒌𝒊𝒔𝒂 𝒂𝒕 𝑺𝒕𝒊𝒄𝒌𝒆𝒓 sa pangunguna ni 𝑴𝒂𝒚𝒐𝒓 𝑩𝒐𝒏𝒈 𝑨𝒍𝒗𝒂𝒓𝒆𝒛. Ito ay bahagi ng patuloy na pagsuporta sa inyong kabuhayan at pagpapatibay ng maayos, ligtas, at organisadong sistema ng transportasyon sa ating bayan. Ang mga kinakailangang dokumento o requirements ay maaaring isumite sa inyong kinauukulang 𝑻𝑶𝑫𝑨 𝑷𝒓𝒆𝒔𝒊𝒅𝒆𝒏𝒕. Sama-sama nating isulong ang mas maunlad, disiplinado, at progresibong San Miguel.”

𝐓𝐈𝐍𝐆𝐍𝐀𝐍 :

Isang karangalan para sa aming komunidad! 🎉

Taos-pusong pasasalamat at pagbati sa BRGY. LABNE, SAN MIGUEL sa pagkilala bilang isa sa mga 𝐁𝐢𝐝𝐚𝐧𝐠 𝐁𝐚𝐫𝐚𝐧𝐠𝐚𝐲 𝐧𝐠 𝐁𝐮𝐥𝐚𝐜𝐚𝐧 dahil sa tapat at mahusay na pamamahala, epektibong pagpapatupad ng mga programa at proyekto para sa komunidad, at sa patuloy na paglilingkod sa ating mga mamamayan. Ito ay sa pangunguna ng ating minamahal at butihing Punong Barangay Emmanuel B. Dantis, Kalihim Angelica G. Agustin, Ingat-Yaman Karen V. Mamuad at ang lahat ng bumubuo ng Sangguniang Barangay at mga Volunteers.

Ang parangal na ito ay patunay ng dedikasyon, pagkakaisa, at malasakit ng ating mga opisyal at ng buong komunidad ng Barangay Labne. Nawa’y magsilbi itong inspirasyon upang lalo pang pagbutihin ang paghahatid ng serbisyo para sa kapakanan ng lahat.

Iginawad noong Marso 5, 2026 sa La Carmela de Boracay, Malay, Aklan.

Muli, congratulations Brgy. Labne! 👏
Patuloy tayong maglingkod at magkaisa para sa mas maunlad na komunidad. 💙