Nanay Kap Eugenia Solis-Hingpit, MD

Malampusong gipahigayon ang atong State of the Barangay Address (SOBA) isip kabahin sa pagsaulog sa 71st Araw sa Barangay Magugpo Poblacion.

Naghiusa kita uban sa mga opisyal ug mga lumulupyo sa barangay aron hisgutan ang mga kalampusan nga natuman, ang nagpadayon nga mga programa ug proyekto, ug ang mga plano alang sa mas lig-on, malinawon, ug mauswagon nga komunidad.

Dako ang akong pagpasalamat sa tanang nakiapil ug nagpadayon sa paghatag sa inyung suporta alang sa kalamboan sa atong barangay. Pinaagi sa panaghiusa ug pagtinabangay, magpadayon kita sa pagtukod sa usa ka mas luwas, mas limpyo, ug mas lig-on nga Barangay Magugpo Poblacion!

Padayon kita sa pagtinabangay alang sa mas lig-on ug maayong barangay para sa tanan. Para sa “HINGPIT NA SERBISYO” ug malambuong komunidad.

Isip kabahin sa pagsaulog sa 71st Araw ng Magugpo Poblacion, malampusong gipahigayon karong adlawa ang “Dugo Ko, Alay Ko: Become a Nobleman, Donate Blood” diri sa Barangay Gym, Domingo Village.

Salamat sa tanang mga blood donors ug volunteers nga nagpakita sa tinuod nga pag-alagad ug paghatag og paglaum pinaagi sa donasyon sa dugo.

Padayon kita sa pagtinabangay alang sa mas lig-on ug maayong Barangay para sa tanan.

Para sa “HINGPIT NA SERBISYO” ug malambuong komunidad.

Happy Father’s Day sa atong mga Tatay, Daddy, ug Amahan!

Salamat sa inyong walay kakapoy nga gugma, pag-atiman, ug sa tanang sakripisyo nga inyong gihimo alang sa matag pamilya. Kamo ang among kusog, inspirasyon, ug haligi sa panimalay. Dako kaayo among pagpasalamat ug pag-appreciate sa inyong mga paghago ug pagpaningkamot.

Amping kanunay ug hinaot nga puno sa kalipay, gugma, ug panalangin ang inyong adlaw. Happy Father’s Day!

Mapasalamaton kaayo ang Barangay Magugpo Poblacion ngadto sa Nabunturan Integrated Cooperative sa ilang mapinanggaon nga pagpaambit atol sa ilang pagsaulog sa 18th Anniversary sa Tagum Branch.

Isip kabahin sa ilang Educational Fund Program, naghatag ang NICO og mga school supplies sama sa notebooks, lapis, bolpen, ug uban pang gamit sa eskwela ngadto sa mga kabataan sa atong barangay.

Daghang salamat, NICO! Hinaut nga padayon pa ninyong madala ang kalipay ug paglaum ngadto sa daghang pamilya pinaagi sa inyong mga programa ug serbisyo.

Happy Mother’s Day sa tanang inahan!
Salamat sa inyong walay kapuyong gugma, pag-atiman, ug sakripisyo. Hinaut nga mapuno sa kalipay ug panalangin ang inyong adlaw.
Amping kanunay! 💚🌷

𝐌𝐎𝐍𝐃𝐀𝐘 𝐂𝐎𝐍𝐕𝐎𝐂𝐀𝐓𝐈𝐎𝐍 | Mabungahon ug puno sa inspirasyon nga pagsugod sa unang Lunes sa bulan sa Mayo, diin gipadayag ang kalipay, panaghiusa, ug tinuoray nga gugma sa pag-alagad sa katawhan.

Malampuson nga gipahigayon ang atong Regular Monday Convocation uban sa presensya sa mga miyembro sa Konseho sa Barangay, mga barangay functionaries, ug sa atong pinalanggang bisita nga si Konsehal Arthur Y. “Uloy” Ong Jr. Sa maong panagtigum, gipaambit ang mga plano, programa, ug mga lakang nga magpalig-on sa atong panaghiusa ug magpadayon sa atong dedikasyon sa matinud-anong serbisyo publiko.

Magkahiusa kita sa paghatod og “𝐇𝐈𝐍𝐆𝐏𝐈𝐓 𝐍𝐀 𝐒𝐄𝐑𝐁𝐈𝐒𝐘𝐎” alang sa usa ka lig-on, malinawon, ug malambuong Barangay Magugpo Poblacion.

Kasamtangan karon nga gipahigayon ang Large Scale Purok Kalusugan sugod alas 8:00 sa buntag hangtod alas 12:00 sa udto diri sa Domingo Village Gym, Magugpo Poblacion, Tagum City.

Kini nga kalihokan gipangunahan sa Tagum City Health Office, nga nagtanyag og LIBRENG serbisyong panglawas alang sa tanang katawhan sa Magugpo Poblacion ug sa mga silingang lugar.

Gi-awhag ang tanan nga motambong ug magpa-konsulta aron masiguro ang maayong panglawas sa matag miyembro sa pamilya.

Magkahiusa kita sa paghatod og “HINGPIT NA SERBISYO” alang sa usa ka lig-on, malinawon, ug malambuong Barangay Magugpo Poblacion.

𝙋𝘼𝙃𝙄𝘽𝘼𝙇𝙊 𝙎𝘼 𝙏𝘼𝙉𝘼𝙉!

Adunay Large Scale Purok Kalusugan nga pagahimoon karong 𝐀𝐩𝐫𝐢𝐥 𝟐𝟖, 𝟐𝟎𝟐𝟔 (Martes), alas 8:00 sa buntag hangtod alas 12:00 sa udto didto sa 𝐃𝐨𝐦𝐢𝐧𝐠𝐨 𝐕𝐢𝐥𝐥𝐚𝐠𝐞 𝐆𝐲𝐦, 𝐌𝐚𝐠𝐮𝐠𝐩𝐨 𝐏𝐨𝐛𝐥𝐚𝐜𝐢𝐨𝐧 𝐓𝐚𝐠𝐮𝐦 𝐂𝐢𝐭𝐲

Adunay 𝐋𝐈𝐁𝐑𝐄𝐍𝐆 mga serbisyo nga ipahatag gikan sa 𝑻𝒂𝒈𝒖𝒎 𝑪𝒊𝒕𝒚 𝑯𝒆𝒂𝒍𝒕𝒉 𝑶𝒇𝒇𝒊𝒄𝒆 alang sa tanang katawhan sa Magugpo Poblacion.

Gi-awhag ang tanan nga motambong ug magpa-konsulta aron masiguro ang maayong panglawas.

Ayaw kalimti! Mangadto ug magpacheck-up na!

Daghang salamat.

Gina-awhag ko ang matag usa kaninyo nga makigbahin sa atong ipahigayon nga Large Scale Purok Kalusugan, usa ka dako ug importante nga kalihokan nga gituyo aron mapalambo ug maprotektahan ang kahimsog sa atong komunidad, uban sa inisyatibo sa City Government of Tagum ug City Health Office.

🗓 Petsa: April 28, 2026
⏰ Oras: 8:00 AM – 12:00 PM
📍 Lugar: Barangay Magugpo Poblacion Gym, Domingo Village

Mga Libreng Serbisyo nga inyong ma-avail:
✔️ General Medical Consultation (libre nga check-up sa doktor)
✔️ Laboratory Services (basic tests alang sa inyong kahimsog)
✔️ Dental Services (check-up ug tooth extraction kung kinahanglan)
✔️ Eye Screening & Libreng Eyeglasses para sa mapiling benepisyaryo
✔️ Family Planning Services ug counseling
✔️ HIV Screening (confidential ug libre)
✔️ Immunization (bakuna para sa proteksyon sa sakit)
✔️ Ug daghan pang uban nga serbisyong pangkalusugan!

Hinumdumi:
👉 Magdala sa inyong valid ID
👉 Dalha ang inyong health records kung naa
👉 Sayo mo abot aron malikayan ang kadaghan sa tao
👉 Sundon ang health protocols alang sa kaluwasan sa tanan

Kini usa ka higayon nga atong dapat pahimuslan — kay ang kahimsog mao ang atong pinakadakong bahandi. Ayaw na paglangan, panahon na aron atong atimanon ang atong lawas ug kaugalingon!

Magtinabangay kita sa pagpadayon sa atong tumong nga: “HINGPIT NA SERBISYO” alang sa mas himsog, malinawon, ug malambuong Barangay Magugpo Poblacion!

𝐌𝐎𝐍𝐃𝐀𝐘 𝐂𝐎𝐍𝐕𝐎𝐂𝐀𝐓𝐈𝐎𝐍 | Gisugat nato ang unang Lunes sa bulan sa Abril uban ang kalipay, panaghiusa, ug gugma sa pag-alagad. Malampuson natong gipahigayon ang atong Regular Monday Convocation kauban ang atong mga miyembro sa Konseho sa Barangay ug mga barangay functionaries, nga nagpakita sa atong lig-on nga panaghiusa ug dedikasyon sa serbisyo publiko.

Magpadayon kita sa pag-alagad uban ang kasingkasing ug integridad, ug sa paghatod ug “𝐇𝐈𝐍𝐆𝐏𝐈𝐓 𝐍𝐀 𝐒𝐄𝐑𝐁𝐈𝐒𝐘𝐎” alang sa mas limpyo, luwas, ug malambuong komunidad.