City Government of Tagum

𝐔𝐘, 𝐋𝐀𝐍𝐓𝐀𝐖𝐀 | Karaang uniporme ug sapatos, mapamana sa mga musunod nga estudyante.

Kini ang tumong sa Project PAMANA sa Magugpo Pilot Central Elementary School (MPCES), kung asa ang mga gidonar nga gitubu-ang uniporme, sapatos ug bag sa mga minggradwar nga estudyante, libreng maangkon sa mga nanginahanglang estudyante.

Ang pinasahing programa nga nagsugod pa sa tuig 2021, gikan sa inisyatiba sa mga ginikanan nga nagdonar og karaang uniporme sa ilang mga anak aron magamit sa musunod nga estudyante, imbis na kini ilabay lang ug masayang.

Sulod sa 5 ka tuig, ubay ubay na nga mga estudyante ang nakabenipisyo sa maong programa sa MCPES, nga ginapahigayon kuyog sa pagpatuman sa Balik Eskwela Program.

Dinhi sa Lokal nga Panggamhanan sa Tagum, atuang gayud ipasigarbo ang mga mahinungdanong programa sa eskwelahan ug komunidad nga dakong naitabang sa kadaghanan.

Ang pinasahing Project PAMANA magsugod sa pagpanghatag sa nakolektang gamit sa eskwela karong adlawa hangtud ugma (June 2-3, 2026) alang sa mga nanginahanglang estudyante sa MPCES.

𝙃𝙖𝙩𝙨 𝙤𝙛𝙛 𝙨𝙖 𝙋𝙧𝙤𝙟𝙚𝙘𝙩 𝙋𝘼𝙈𝘼𝙉𝘼! 𝙎𝙖𝙡𝙪𝙙𝙤 𝙠𝙖𝙢𝙞 𝙨𝙖 𝙞𝙣𝙮𝙤!

𝐋𝐆𝐔 𝐓𝐚𝐠𝐮𝐦, 𝐭𝐨𝐝𝐨 𝐚𝐧𝐠 𝐬𝐮𝐩𝐨𝐫𝐭𝐚 𝐬𝐚 𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝟐𝟎𝟐𝟔

Todo ang suporta nga gihatag sa Lokal nga Panggamhanan sa Tagum ngadto sa mga pampublikong tulunghaan sa siyudad atul sa implementasyon sa Brigada Eskwela isip pagpangandam sa pagbalik-abri sa klase karong bulan sa Hunyo.

Gipahitabo ang kick-off program sa maong tinuig nga inisyatiba sa Department of Education (DepEd), kaganinang buntag, Hunyo 2, 2026, sa Laureta Elementary School, Barangay San Miguel.

Mukabat sa dul-an 5 million pesos ang kantidad sa gitunol nga kagamitan sa LGU-Tagum nga magamit aron mas mapanindot pa ang pasilidad sulod sa klase ug mapalig-on ang kalidad sa edukasyon alang mga mga estudyante.

Lakip sa na-turn over sa kick off program ang 120 units nga TV set, 300 units nga wall fan, apil na usab ang 39 ka set sa cleaning material.

Gawas niini, giplastar na usab ang eskedyul alang sa pagbayanihan sa mga empleyado sa matag opisina sa LGU aron mutabang sa pagpanglimpyo, pagpamintura ug paghatag og ubang pangnahanglan sa klase.

Dako ang pasalamat ni Schools Division Superintendent Alona C. Uy sa DepEd - Tagum City Division, sa walay puas nga suporta nga gihatag sa LGU ug sa mga stakeholder sa siyudad -- nga dako ang maitabang aron himuong student-ready ang mga tulunghaan sa Tagum.

𝐌𝐞𝐝𝐚𝐥 𝐇𝐚𝐮𝐥 𝐬𝐚 𝐏𝐚𝐥𝐚𝐫𝐨 𝐃𝐞𝐦𝐨 𝐒𝐩𝐨𝐫𝐭𝐬 🥇🥉✨️

Wala pa nahuman ang Palaro Fever tungod ato usab ipasigarbo ang mga Tagumenyo athlete nga minghakot og mga medalya sa Kickboxing, usa ka Demo Sport sa 2026 Palarong Pambansa nga gipahitabo sa Agusan del Sur.

𝗚𝗢𝗟𝗗 𝗠𝗘𝗗𝗔𝗟𝗜𝗦𝗧
🥇Hael Glendonn Gaum
Under 42-47kg Weight category
(Laureta National High School)

𝗚𝗢𝗟𝗗 𝗠𝗘𝗗𝗔𝗟𝗜𝗦𝗧
🥇King Ulysses Luntao
Under 47-52kg Weight category
(Tagum National Trade School)

𝗕𝗥𝗢𝗡𝗭𝗘 𝗠𝗘𝗗𝗔𝗟𝗜𝗦𝗧
🥉Clarence Lorejo
Under 37-42kg Weight category
(Laureta National High School)

𝗕𝗥𝗢𝗡𝗭𝗘 𝗠𝗘𝗗𝗔𝗟𝗜𝗦𝗧
🥉Ma. Abegail E. Gonzales
Under 50-55kg Weight category
(CARD-MRI Tagum)

Ang inyong kadaugang naangkon sa National competition, kadaugan usab sa mga Tagumenyo nga angay gayud i- ! Ang inyong determinasyon ug pagpaningkamot, kauban ang inyong coach, ginikanan ug magtutudlo magpabiling inspirasyon sa mga Kabataang Tagumenyo.

Congratulations! Saludo kami sa inyo!

𝐅𝐔𝐄𝐋 𝐏𝐑𝐈𝐂𝐄 𝐖𝐀𝐓𝐂𝐇 | Ania ang panibag-ong presyo sa gasolina sa nagkalain-laing Gasoline Station sa Siyudad sa Tagum karong adlawa, Hunyo 02, 2026.

𝐓𝐚𝐠𝐮𝐦 𝐂𝐢𝐭𝐲, 𝐍𝐚𝐬𝐮𝐧𝐠𝐤𝐢𝐭 𝐚𝐧𝐠 𝐊𝐚𝐦𝐩𝐞𝐨𝐧𝐚𝐭𝐨 𝐬𝐚 𝐀𝐑𝐓𝐀 𝟐𝟎𝟐𝟔 𝐄𝐎𝐃𝐁 𝐌𝐨𝐧𝐭𝐡 𝐑𝐞𝐞𝐥𝐬 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭

Usa na usab ka mahinungdanong kadaugan ang nadawat sa Lokal nga Panggamhanan sa Tagum human kini gideklara isip Champion sa ARTA 2026 Ease of Doing Business (EODB) Month Reels Making Contest nga gipasiugdahan sa Anti-Red Tape Authority (ARTA).

Gihatag ang maong pag-ila karong adlawa, Hunyo 1, 2026 atol sa EODB Month Culminating Activity sa UP Ayala TechnoHub, Quezon City, nga gitambungan online sa mga personahe sa City Information Office (CIO) pinaagi sa Zoom video conferencing.

Ang CIO-Tagum usab ang nangulo sa paghimo sa maong EODB entry nga nagpakita sa mga inobatibong lakang aron mas mapadali ug mas mapahapsay ang paghatag og serbisyo ngadto sa katawhan.

Gihatagan og dakong pagtagad sa winning entry ang digital ug customer-centered initiatives sa lokal nga panggamhanan sama sa Interactive Kiosk, E-Rehistro, ug Electronic Business One-Stop Shop (E-BOSS), nga nagpadali sa pag-access sa impormasyon, online registration, ug proseso sa business registration ug renewal.

Ang maong kadaugan nagpakita sa lig-on nga paningkamot sa lokal nga panggamhanan ug kolaborasyon sa mga opisina sa siyudad, sa pagpalambo sa ease of doing business ug sa paghatag og mas accessible nga public service, nga nagpalig-on sa Tagum isip modelo sa digital innovation.

𝐆𝐀𝐑𝐁𝐎 𝐓𝐀𝐆𝐔𝐌𝐄𝐍𝐘𝐎 | Dakong garbo ug dungog alang sa Siyudad sa Tagum ang talagsaong kalampusan nga gipakita sa atong mga atletang Tagumenyo sa Philippine Aquatics National Championship 2026, nga gipahigayon kaniadtong Mayo 1–3, 2026 sa Tarlac City.

🏊🏻‍♀️ 𝐌𝐬. 𝐐𝐮𝐞𝐳𝐞𝐭𝐭𝐞 𝐒𝐧𝐨𝐰 𝐁𝐫𝐨𝐜𝐚
🥇 Gold Medal – 100-Meter Breaststroke
🥉 Bronze Medal – 50-Meter Breaststroke
🥉 Bronze Medal – 200-Meter Breaststroke
🏅 6th Place – 50-Meter Freestyle

🏊🏻‍♀️ 𝐌𝐬. 𝐗𝐢𝐚𝐧𝐭𝐚𝐥 𝐉𝐨𝐲𝐜𝐞 𝐇𝐚𝐛𝐚𝐧𝐚
🏅 9th Place – 100-Meter Breaststroke
🏅 10th Place – 200-Meter Breaststroke
🏅 11th Place – 50-Meter Butterfly

Dugang pa niini, silang duha gipasidunggan isip Most Outstanding Swimmers sa regional level, usa ka dakong pag-ila sa ilang dedikasyon, ug disiplina.

Congratulations Quezette ug Xiantal!

Coach: Mr. Amil Cabatuan, DavNor Blue Marlins Swimming Team

𝐌𝐨𝐛𝐢𝐥𝐞 𝐂𝐢𝐯𝐢𝐥 𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐢𝐬 𝐧𝐨𝐰 𝐚𝐭 𝐋𝐚 𝐅𝐢𝐥𝐢𝐩𝐢𝐧𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥!

Padayon nga naghatod og mga serbisyo ang Local Civil Registrar’s Office ngadto sa mga Tagumenyo pinaagi sa Mobile Civil Registration sa La Filipina National High School karong adlawa, Hunyo 1, 2026, isip parte sa Brigada Eskwela karong semanaha.

Pinaagi niini, mas gipaduol sa Lokal nga Panggamhanan sa Tagum ang mga serbisyo sa civil registration alang sa mas dali ug mas paspas nga pag-asikaso sa mga dokumento.

Ania ang mga serbisyong gihanyag:
✅ Late Birth Registration
✅ Birth Registration Assistance Project (alang sa Muslim Filipinos, Indigenous Peoples, ug mga miyembro sa poorest sector)
✅ Request for PSA Copies (Birth Certificate, Marriage Certificate, ug CENOMAR)
✅ Maling Dokumento Mo, Iwasto Ko Program
✅ National ID Services kauban ang PSA-Davao del Norte (Hunyo 3-4 lamang)

Molungtad ang maong mobile registration hangtod sa Hunyo 5, 2026, busa Tagumenyos, parehistro na!