Social Welfare Department Attock

عید الاضحی کی مناسبت سے چلڈرن ہوم (محکمہ سوشل ویلفیئر و بیت المال اٹک) میں مقیم بچوں میں تحائف تقسیم کیے گئے۔ اس موقع پرایک ُپر مسرت تقریب کا انعقاد کیا گیا جس میں ڈپٹی ڈائریکٹر محمد حسیب خالد صاحب اور سوشل سروسز آفیسر عبدالسلام صاحب و دیگر نے شرکت کی۔

حکومت پنجاب کی ہدایات کی روشنی میں محکمہ سوشل ویلفیئر اٹک کی جانب سے ضلع اٹک کی تمام تحصیلوں میں انسداد گداگری مہم کا آغاز۔

ڈپٹی ڈائریکٹر سوشل ویلفیئر اینڈ بیت المال اٹک کی زیر صدارت انسداد گداگری مہم کے حوالے سے این جی اوز کے ساتھ میٹنگ منعقد ہوئی جس میں این جی اوز نے بھرپور معاونت کی یقین دہانی کروائی۔

ہمت کارڈ پروگرام کے حوالے سے سپیشل ایجوکیشن ڈیپارٹمنٹ میں زیر تعلیم اسٹوڈنٹس کے معذوری سرٹیفیکیٹس کی ڈیجیٹائزیشن کے حوالے سے ڈپٹی ڈائریکٹر بیت المال اٹک کی زیر صدارت اہم اجلاس منعقد ہوا جس میں ڈیجیٹائزیشن پراسس کو جلد از جلد مکمل کی جانے کی ہدایات جاری کی گئیں۔

حکومت پنجاب کی ہدایات کی روشنی میں اٹک میں بھی انسدادِ گداگری سے متعلق آگاہی اور اس معاشرتی برائی کے خاتمے کے لیے بھرپور مہم جاری ہے۔ عوام الناس سے اپیل ہے کہ وہ بھی اس کوشش میں بھرپور تعاون کریں۔ عطیات و خیرات رجسٹرڈ چیریٹیز کو دیں اور پیشہ ور بھکاریوں کی حوصلہ ِشکنی کریں۔

محکمہ سوشل ویلفیئر و بیت المال نے ضلعی انتظامیہ کی جانب سے منعقدہ "معرکہِ حق" ریلی میں بھر پور شرکت کی اور افواجِ پاکستان سے والہانہ محبت کا اظہار کیا اور خراجِ تحسین پیش کیا-

محکمہ سوشل ویلفیئر سے رجسٹرڈ لیگ آف ہیومن ویلفیئر کے زیرِ انتظام تھیلیسیمیا سے آگاہی سے متعلق عالمی دن کے سلسلے میں تقریب منعقد کی گئی۔ اس تقریب میں تھیلیسیمیک بچوں اور ان کے والدین سمیت ڈپٹی کمشنر و ڈی پی او اٹک نے خصوصی شرکت کی۔ لیگ آف ہیومن ویلفیئر تھیلیسیمیا کے مریضوں سے متعلق قابلِ قدر خدمات سر انجام دے رہی ہے ۔

پٹیشنٹس ویلفیئر سوسائٹی اور ویژن ہیلتھ کیئر فاؤنڈیشن اٹک کے تعاون سے میڈیکل سوشل سروسز یونٹ ڈی ایچ کیو ہاسپٹل اٹک میں ایک روزہ فری ائی کیمپ کا انعقاد کیا گیا جس میں موقع پر بنیادی طبی امداد فراہم کی گئی اور آنکھوں کا معائنہ کیا گیا۔ آئی کیمپ میں بچوں، مرد و خواتین اور بزرگ افراد نے کثیر تعداد میں شرکت کی ۔

فلاحِ انسانیت / شکردرہ ویلفیئر سوسائٹی اٹک کی طرف سے یوم مزدور کی مناسبت سے فوارہ چوک اٹک میں مزدور بھائیوں کے لیے ناشتے کا اہتمام کیا گیا۔

نئی رجسٹرڈ شدہ سویرا ویلفیئر سوسائٹی رنگو تاجک کی ڈپٹی ڈائریکٹر محمد حسیب خالد سے ملاقات۔ سوسائٹی کے عہدہ داران نے زیر عمل پروگرامز کے حوالے سے بریفنگ دی اور مستقبل میں مزید فلاحی منصوبہ جات جاری رکھنے کا اعادہ کیا۔

اسسٹنٹ کمشنر اٹک نے ڈپٹی ڈائریکٹر سوشل ویلفیئر اٹک کے ہمراہ چلڈرن ہوم کا دورہ کیا۔ رہائشی بچوں کے ساتھ بہترین وقت گزارا اور ان کے لیے کھانے کا اہتمام کیا ۔