Aftab Alam

Glimpses from the budget session for the Financial year 2026–27,
(23-06-2026)

لیڈر ڈیل نہیں کرتے، تاریخ بناتے ہیں۔

پاکستان کی خودمختاری، عوام کے حقِ رائے دہی اور جمہوریت کے تحفظ کے لیے ڈٹ کر کھڑا ہونے والا رہنما ہی حقیقی لیڈر کہلاتا ہے۔

مشکلات، دباؤ اور آزمائشوں کے باوجود اپنے مؤقف پر قائم رہنا ہی قیادت کی اصل پہچان ہے۔ قومیں اُن لوگوں کو یاد رکھتی ہیں جو اصولوں پر سمجھوتہ نہیں کرتے بلکہ تاریخ کا رخ موڑ دیتے ہیں۔

صوبائی وزیر قانون آفتاب عالم

صوبائی وزیر قانون آفتاب عالم اور ایم این اے شہریار آفریدی کے فنڈز سے علاقائی مشران کی زیرِ نگرانی سنی خیل، درہ آدم خیل میں گلیوں اور نالیوں کی پختگی کا کام تیزی سے جاری ہے۔ اس منصوبے کا مقصد علاقے کے عوام کو بہتر بنیادی سہولیات فراہم کرنا اور صفائی و نکاسیٔ آب کے نظام کو مؤثر بنانا ہے۔ مقامی مشران کی نگرانی میں جاری یہ منصوبہ عوامی فلاح و بہبود کی جانب ایک اہم قدم ہے، جس کی تکمیل سے علاقے کے رہائشیوں کو آمدورفت اور روزمرہ زندگی میں نمایاں سہولت میسر آئے گی۔

ماہ رنگ بلوچ کو عمر قید سنانے کا فیصلہ نہ صرف افسوسناک بلکہ جمہوری اقدار، انسانی حقوق اور اظہارِ رائے کی آزادی پر ایک سنگین سوالیہ نشان ہے۔ اختلافِ رائے کو جرم بنا کر دبانے کی روایت کسی بھی مہذب اور جمہوری معاشرے کے لیے نقصان دہ ہے۔ ریاست کی طاقت کا استعمال انصاف، آئین اور بنیادی حقوق کے تحفظ کے لیے ہونا چاہیے، نہ کہ آوازوں کو خاموش کرنے کے لیے۔ ایسے فیصلے محرومیوں اور بداعتمادی میں مزید اضافہ کرتے ہیں جس کی سخت مذمت کرتا ہوں۔

- صوبائی وزیر قانون آفتاب عالم

قائد عمران خان کے ویژن ’’تعلیم سب کے لیے‘‘ کو عملی جامہ پہنانے کے لیے صوبائی وزیر قانون آفتاب عالم اور ایم این اے شہریار آفریدی کے فنڈز سے حاجی عابد رحمن کی کاویشوں سے گورنمنٹ گرلز پرائمری سکول سنی خیل، درہ آدم خیل کی نئی عمارت کی تعمیر کا کام تیزی سے جاری ہے۔ اس منصوبے کی تکمیل سے علاقے کی بچیوں کو بہتر اور معیاری تعلیمی سہولیات میسر آئیں گی، جس سے شرحِ تعلیم میں اضافہ اور روشن مستقبل کی بنیاد مضبوط ہوگی۔ عوامی حلقوں نے اس تعلیمی منصوبے کو خوش آئند قرار دیتے ہوئے متعلقہ نمائندوں کی کاوشوں کو سراہا ہے۔

صوبائی وزیر قانون آفتاب عالم اور ایم این اے شہریار آفریدی کے خصوصی فنڈز سے شیراکی باش خیل، درہ آدم خیل میں واٹر سپلائی منصوبے کی توسیع کے لیے پائپوں کی فراہمی مکمل کرکے پائپ لائن بچھانے کا کام جاری۔ اس اہم عوامی منصوبے کا مقصد علاقے کے مکینوں کو صاف اور پائیدار پانی کی فراہمی کو یقینی بنانا ہے۔ پائپوں کی فراہمی کے بعد منصوبے پر عملی کام کا آغاز کر دیا گیا ہے۔ جس سے شیراکی باش خیل کے عوام کو پانی کی قلت کے مسئلے سے نجات ملے گی۔ مقامی عوام نے اس ترقیاتی اقدام کو خوش آئند قرار دیتے ہوئے صوبائی وزیر قانون آفتاب عالم اور ایم این اے شہریار آفریدی اور پاکستان کے تحریک انصاف کا شکریہ ادا کیا ہے۔