Wasaaradda Gargaarka Iyo Maaraynta Musiibooyinka Waqooyi Bari

𝐌𝐮𝐪𝐝𝐢𝐬𝐡𝐨: 01 𝐉𝐮𝐧,2026

Agaasimaha Guud ee Wasaaradda Gargaarka iyo Maareynta Musiibooyinka Dowladda Waqooyi Bari, 𝐌𝐚𝐫𝐰𝐨 𝐅𝐚𝐡𝐢𝐢𝐦𝐚 𝐘𝐮𝐮𝐬𝐮𝐟 𝐀𝐚𝐝𝐞𝐧, oo uu weheliyo Agaasimaha Waaxda Maareynta Khataraha Masiibooyinka (DRM), 𝐌𝐮𝐝𝐚𝐧𝐞 𝐌𝐚𝐰𝐥𝐢𝐢𝐝 𝐗𝐚𝐬𝐚𝐧 𝐂𝐚𝐥𝐢, ayaa magaalada Muqdisho kaga qayb galay aqoon-is-weydaarsi heer qaran ah oo ku saabsan Qaab-dhismeedka Saddex-geesoodka ah (Tri-Part Framework).

Shirkan oo ay soo qabanqaabisay Hay’adda SoDMA, isla markaana uu taageerayay World Food Programme (WFP), ayaa diiradda lagu saaray xoojinta iskaashiga u dhexeeya hay’adaha dowladda, wasaaradaha gargaarka iyo bah-wadaagta arrimaha bini’aadannimada, si loo horumariyo isku-duwidda howlaha gargaarka, u diyaar-garowga iyo ka jawaabista xaaladaha degdegga ah iyo musiibooyinka kala duwan ee dalka.

Masuuliyiinta Wasaaradda ayaa halkaas ku soo bandhigay warbixintii ugu dambeysay ee xaaladda bini’aadannimo ee ka jirta guud ahaan deegaannada Dowladda Waqooyi Bari, iyagoo si gaar ah u iftiimiyay caqabadaha jira, baahiyaha mudnaanta leh ee ay bulshadu wajahayso, iyo goobaha u baahan taageero bini’aadannimo oo degdeg ah, gaar ahaan dhinacyada gargaarka iyo horumarinta adeegyada aasaasiga ah.

Ugu dambayn, madaxda iyo masuuliyiinta kala duwan ee ka qayb galay shirkan ayaa adkeeyay muhiimadda ay leedahay wada-shaqeyn dhow, isku-xirnaan joogto ah iyo is-dhaafsiga xogaha muhiimka ah ee u dhexeeya SoDMA iyo wasaaradaha gargaarka ee dowlad-goboleedyada dalka, si loo helo hannaan mideysan oo wax-ku-ool ah loona xoojiyo dadaallada qaran ee lagu maareynayo lagagana jawaabayo musiibooyinka iyo xaaladaha bini’aadannimo ee dalka ka jira.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

𝐇𝐀𝐌𝐁𝐀𝐋𝐘𝐎 𝐌𝐔𝐍𝐀𝐀𝐒𝐀𝐁𝐀𝐃𝐃𝐀 𝐂𝐈𝐈𝐃𝐔𝐋-𝐀𝐃𝐗𝐀𝐃𝐀

Wasiirka Wasaaradda Gargaarka iyo Maareynta Musiibooyinka Dawlad Goboleedka Waqooyi Bari Soomaaliya, 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡 (𝐒𝐡𝐚𝐫𝐢𝐢𝐟), wuxu hambalyo iyo bogaadin ku aaddan munaasabadda barakeysan ee Ciidul Adxada u dirayaa dhammaan Ummadda Islaamka, Bulshada Soomaaliyeed, gaar ahaan shacabka Waqooyi Bari, Wasiir-ku-xigeenka, Agaasimaha Guud iyo dhammaan Hawlwadeenada Wasaaradda.

Wasiir shariif ayaa xusay in Ciidul Adxadu tahay maalin ku suntan cibaado, walaaltinimo, isxilqaan iyo garab istaagga dadka nugul.

Sidoo kale, Wasiirku waxa uu bulshada ugu baaqay inay xoojiyaan midnimada, iskaashiga iyo is garab istaagga dadka nugul gaar ahaan xilliyadan ay jiraan duruufaha nololeed iyo saameynta abaaruhu.

Ugu dambayn, waxa uu Alle uga baryay inuu Umadda Islaamkaa ka aqbalo cibaadada iyo camalka suubban, kana yeelo Ciidul Adxadan mid nabad, caafimaad iyo barwaaqo ku soo kordhisa dalka iyo dadka Soomaaliyeed.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

𝐋𝐚𝐚𝐬𝐜𝐚𝐚𝐧𝐨𝐨𝐝- 24 𝐌𝐚𝐲-2026

Agaasimaha Guud ee Wasaaradda Gargaarka iyo Maareynta Musiibooyinka Dowladda WaqooyiBari,Soomaaliya 𝐌𝐚𝐫𝐰𝐨 𝐅𝐚𝐡𝐢𝐢𝐦𝐚 𝐘𝐮𝐬𝐮𝐟 𝐀𝐝𝐞𝐧 ayaa ka qayb gashay shirka Aqoon-iswaydaarsiga Isku-dubbaridka Qorshaha Is-bedelka Qaranka (NTP) oo maanta lagu soo gebagebeeyey magaalada Laascaanood.

Shirkan oo ay kasoo qayb galeen agaasimayaasha guud, agaasimayaasha waaxyaha qorshaynta iyo hawl-wadeennada farsamo ee heer Federaal iyo heer Dowlad-goboleed ayaa diiradda lagu saaray horumarinta iyo waafajinta qorshayaasha dowladda.

Intii uu shirku socday ayaa lagu lafa guray tiirarka qorshaha qaranka, samaynta qorshayaasha sannadlaha ah iyo kuwa shanta sano, iyo sidii mudnaanta Dowladda Waqooyi Bari loogu jaan-goyn lahaa Qorshaha Is-bedelka Qaranka (NTP).

Sidoo kale waxaa la soo bandhigay qorshayaasha hortebinta leh ee ay wasaaraduhu diyaariyeen kuwaas oo laf-dhabar u ah horumarka dowladda.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

𝐋𝐚𝐚𝐬𝐜𝐚𝐚𝐧𝐨𝐨𝐝 – 16 𝐌𝐚𝐲 2026

Wasiirka Wasaaradda Gargaarka iyo Maareynta Musiibooyinka Dowladda Waqooyi Bari Soomaaliya, 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡(Shariif), ayaa maanta magaalada Laascaanood si rasmi ah uga daahfuray Workshop-ka Roll Out of Revised National Disaster Management Policy (NDMP).

Workshop-kan ayaa diiradda lagu saaray hirgelinta iyo faafinta Siyaasadda Dib-u-eegista lagu sameeyay ee Maareynta Musiibooyinka Qaranka (NDMP), si loo xoojiyo u diyaargarowga, ka hortagga, iyo wax ka qabashada xaaladaha musiibooyinka.

Munaasabadda daahfurka ayaa waxaa kasoo qeyb galay Wasiir Kuxigeenka Wasaaradda Biyaha iyo Tamarta 𝐄𝐧𝐠 𝐒𝐚𝐞𝐝 𝐇𝐚𝐚𝐣𝐢 𝐍𝐨𝐮𝐫 Wasiir Kuxigeenka Wasaaradda Deegaanka iyo Isbeddelka Cimilada 𝐌𝐮𝐝𝐚𝐧𝐞 𝐂𝐚𝐛𝐚𝐚𝐬 𝐌𝐨𝐡𝐚𝐦𝐨𝐮𝐝 𝐀𝐥𝐢, Wasiir Kuxigeenka Wasaaradda Beeraha, Waraabka iyo Horumarinta Reer Miyiga 𝐌𝐮𝐝𝐚𝐧𝐞 𝐌𝐨𝐡𝐚𝐦𝐞𝐝 𝐀𝐛𝐝𝐮𝐥𝐥𝐚𝐡𝐢 𝐂𝐚𝐚𝐟𝐢, Masuuliyiin sare oo ka socday Hay’adda Maareynta Musiibooyinka Qaranka Soomaaliyeed (SoDMA), NGO-yada ka hawlgala deegaannada Dowladda Waqooyi Bari Soomaaliya, iyo xubno kale oo muhiim ah.

Wasiirka ayaa sheegay in siyaasaddan cusub ay muhiim u tahay horumarinta nidaamka maareynta musiibooyinka iyo xoojinta wada-shaqeynta hay’adaha dowladda, si bulshada loogu helo adeegyo hufan xilliyada adag.

Ugu dambayn, wasiirka ayaa ku boorriyay dhammaan kasoo qeybgalayaasha inay door muuqda ka qaataan hirgelinta siyaasaddan cusub, si loo helo bulsho u diyaarsan xaaladaha degdegga ah iyo musiibooyinka kala duwan.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

𝐇𝐚𝐦𝐛𝐚𝐥𝐲𝐨 𝐌𝐚𝐚𝐥𝐢𝐧𝐤𝐚 𝐃𝐡𝐚𝐥𝐢𝐧𝐲𝐚𝐫𝐚𝐝𝐝𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝.

Hambalyo Maalinka Dhalinyarada Soomaaliyeed 15-ka May, sanad guuradii kasoo wareegtay aas-aaskii halgamayaashii SYL sanadkii 1943-dii. Maalintani waa maalin xambaarsan halgan, waddaniyad iyo dib u milicsiga taariikhda qiimaha badan ee ay dhallinyaradu ku leeyihiin xorriyadda iyo horumarka ummadda Soomaaliyeed.

Wasaaradda Gargaarka iyo Maaraynta Musiibooyinka Dawladda Waqooyibari Soomaaliya, oo uu ugu horreeyo Wasiirka Wasaaradda 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡 (Shariif), Wasiir Ku-xigeenka Wasaaradda 𝐌𝐮𝐝𝐚𝐧𝐞 𝐌𝐨𝐡𝐚𝐦𝐨𝐮𝐝 𝐀𝐛𝐝𝐮𝐥𝐥𝐚𝐡𝐢 𝐀𝐡𝐦𝐞𝐝, Agaasimaha Guud ee Wasaaradda 𝐌𝐚𝐫𝐰𝐨 𝐅𝐚𝐡𝐢𝐢𝐦𝐚 𝐘𝐮𝐬𝐮𝐟 𝐀𝐝𝐞𝐧 iyo dhammaan shaqaalaha kala duwan ee wasaaraddu, waxay hambalyo iyo bogaadin u dirayaan shacabka reer Waqooyibari iyo guud ahaan shacabka Soomaaliyeed munaasabadda qiimaha badan ee 15-ka May.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

WASAARADDA GARGAARKA IYO MAARAYNTA MUSIIBOOYINKA EE DAWLADDA WAQOOYIBARI,SOOMALIYA AYAA SAFAR SHAQO KU TAGTAY DEEGAANADA GAMBADHE IYO DALYARE.

Safarkan waxaa hoggaaminayey Agaasimaha Waaxda Maareynta Musiibooyinka, Mudane 𝐌𝐚𝐰𝐥𝐢𝐢𝐝 𝐗𝐚𝐬𝐚𝐧 𝐂𝐚𝐥𝐢, waxaana ku weheliyay Madaxa ICT-ga Wasaaradda, Mudane 𝐀𝐛𝐝𝐢𝐥𝐚𝐚𝐡𝐢 𝐀𝐛𝐝𝐢 𝐈𝐬𝐦𝐚𝐚𝐜𝐢𝐢𝐥.

Ujeeddada safarka ayaa ahayd kor u qaadista fahamka bulshada ee la xiriira u diyaar-garowga iyo ka hortagga khataraha, iyadoo bulshada lagu baraarujinayay hababka ugu habboon ee looga falcelin karo xaaladaha degdegga ah iyo musiibooyinka dabiiciga ah.

Intii ay mas’uuliyiintu ku sugnaayeen deegaanadaas, waxay kulamo miro-dhal ah la yeesheen qaybaha kala duwan ee bulshada, sida odayaasha dhaqanka, haweenka, guddiyada deegaanka iyo bulshada rayidka ah. Waxay si dhow u dhegaysteen baahiyaha bulshada, gaar ahaan saameynta abaartu ku yeelatay nolosha dadka deegaanka iyo caqabadaha nololeed ee ay wajahayaan.

Sidoo kale, mas’uuliyiintu waxay carrabka ku adkeeyeen muhiimadda ay leedahay iskaashiga bulshada, feejignaanta joogtada ah, iyo ka qayb qaadashada dadaallada lagu yareynayo saameynta musiibooyinka iyo xaaladaha bani’aadantinimo.

Ugu dambeyn, Wasaaradda Gargaarka iyo Maareynta Musiibooyinka ee Dowladda Waqooyi Bari Soomaaliya waxay sii laba-jibbaaraysaa dadaalladeeda ku aaddan wacyigelinta bulshada, qiimeynta xaaladaha deegaanka, la socodka isbeddellada jira, iyo hirgelinta qorshayaal wax-ku-ool ah oo lagu xaqiijinayo badqabka, adkeysiga, iyo horumarka waara ee bulshada.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/