Ministry of Environment and Climate Change- Jubbaland

Wasiirka Wasaaradda Deegaanka iyo Isbadalka Cimilada Jubbaland mudane Caydiid Suleymaan Xaashi ayaa 200 dhir oo kala duwan ku wareejiyay maamulka Garoonka Sayid Maxamed Cabdulle ee Magaalada Kismaayo, isagoona qayb wayn ka qaatay dhirtaas oo lagu beeray Garoonka iyo nawaaxigiisa.

Ololahan dhir beerista ah ayaa waxaa door ka qaatay maamulka Garoonka Kismaayo oo uu horkacayo maareeyaha Garoonka iyo Ciidamada nabad ilaalinta u joogo Soomaaliya qaybta Kismaayo ka howlgasha, iyadoo dhir beeridan lagu soo aadiyay xuska munaasabadda maalinta Deegaanka Adduunka oo si wayn sanadkan Jubbaland looga xusay.

Wasiirka Wasaaradda Deegaanka iyo Isbadalka Cimilada Jubbaland mudane Caydiid Suleymaan Xaashi ayaa maamulka Garoonka Sayid Maxamed Cabdulle Xasan kula dardaarmay in ay dhirtaasi ilaaliyaan si ay berri u munaafacaad sadaan deegaankana ay ugu noqoto bilic usoo siyaadisa.

Wasiirka Wasaaradda Deegaanka iyo Isbadalka Cimilada Jubbaland Caydiid Suleymaan Xaashi ayaa Deegaanka Goobweyn qado sharaf ugu sameeyay Masuuliyiintii kala duwanayd ee kala qayb gashay xuska Maalinta Deegaanka Adduunka oo lagu qabtay Deegaanka Buulo-bartire ee waqooyiga Magaalada Kismaayo.

Wasiirka ayaa dhamaan Wasiirada, Xildhibaanada iyo ururada bulshada rayidka ee kala qayb galay munaasabadda wayn ee muhiimka ah.

Munaasabadan oo uu sanadkan hal ku dhiggeedu ahaa Deegaan Dhowrsan, Cimila hagaagsan iyo Mustaqbal Cagaaran ayaa Wasaaradda Deegaanka oo kaashanaysa masuuliyiintan waxaa ay Deegaanka Buulo-bartire ku beertay shan kun oo geed oo kala nooc ah kuwaas oo loogu talagalay in ay ka qayb qaataan bilicda iyo badqabka deegaanka.

Wasiirka Wasaaradda Deegaanka iyo Isbadalka Cimilada Jubbaland mudane Caydiid Suleymaan Xaashi oo ay wehelinayaan qaar kamid ah golaha Wasiirada Jubbaland ayaa Deegaanka Buulo-bartire ka sameeyay olole dhir beeris ah oo lagu xusayay Maalinta Deegaanka Adduunka oo sanadkiiba mar la xuso.

Munaasabadan lagu waynaynayay maalinta Deegaanka Adduunka ayaa waxaa qayb ka ahaa labada gole ee Dowladda Jubbaland, ururada Dhalinyarada, ururada Haweenka iyo ururada u dhaq-dhaqaaqa arrimaha deegaanka.

Ololaha sanadkan oo uu hal-ku dhigiisu ahaa Deegaan Dhowrsan, Cimila hagaagsan iyo Mustaqbal Cagaaran ayaa muhiimad wayn lahaa, iyadoo masuuliyiintii iyo bulshadii xuska kasoo qayb gashay ay dhamaantood ka qayb qaateen dhiir beeridda

Wixii faahfaahin ah, fadlan kala xiriir, Xafiiska Warfaafinnta iyo Xiriirka Warbaahinta
Facebook:
https://www.facebook.com/share/1DQHxcQ5FH/
YouTube:
https://youtube.com/?si=Zex7czlfW1R64st4
X(Twitter)
https://x.com/jubaland_moecc?s=21
Tiktok:
https://www.tiktok.com/?_r=1&_t=ZS-94XlEePzgRu