Wasaaradda Kalluumeysiga & Kheyraadka Badda Waqooyi Bari soomaaliya

Hambalyo Maalinta Shaqaalaha Adduunka

Waxaan u mahadcelinaynaa dhammaan shaqaalaha Wasaaradda Kalluumaysiga iyo Khayraadka Badda dadaalkooda iyo doorkooda muhiimka ah ee horumarinta dalka.
Shaqadiinu waa tiirka horumarka iyo badbaadada khayraadkeenna.

𝐖𝐀𝐑 𝐒𝐀𝐗𝐀𝐀𝐅𝐀𝐃𝐄𝐄𝐃

𝐒𝐡𝐢𝐫𝐤𝐚 𝟕𝐚𝐚𝐝 𝐞𝐞 𝐆𝐨𝐥𝐚𝐡𝐚 𝐌𝐚𝐚𝐫𝐞𝐲𝐧𝐭𝐚 𝐢𝐲𝐨 𝐇𝐨𝐫𝐮𝐦𝐚𝐫𝐢𝐧𝐭𝐚 𝐊𝐚𝐥𝐥𝐮𝐮𝐦𝐚𝐲𝐬𝐢𝐠𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝 (𝐅𝐌𝐃𝐂).

Wasiirka Wasaaradda Kalluumaysiga iyo Khayraadka Badda Waqooyi Bari, Mudane Ismail Sh. Salah Ahmed, ayaa ka qayb galay Shirka 7aad ee Golaha Maareynta iyo Horumarinta Kalluumaysiga Soomaaliyeed (FMDC), oo si guul leh uga qabsoomay magaalada Muqdisho intii u dhaxaysay 16 ilaa 18 Abriil 2026.

Shirka waxaa ka soo qayb galay wasiirrada kalluumaysiga ee dowlad-goboleedyada, xubno ka tirsan Dowladda Federaalka, Maamulka Gobolka Banaadir, saraakiil sare, bah-wadaagta horumarinta, iyo khubaro farsamo, si loo qiimeeyo horumarka, loogana wada hadlo caqabadaha, isla markaana loo dejiyo mudnaanta istiraatiijiga ah ee horumarinta waarta ee waaxda kalluumaysiga.

Arrimaha muhiimka ah ee laga dooday:
1. Xoojinta maamulka iyo wada-shaqeynta heer federaal, dowlad-goboleed iyo Gobolka Banaadir
2. La dagaallanka kalluumaysiga sharci-darrada ah (IUU)
3. Dhiirrigelinta maalgashiga iyo hagaajinta jawiga ganacsiga
4. Horumarinta kaabayaasha kalluumaysiga sida dekedaha iyo xarumaha qaboojinta/kaydinta kalluunka
5. Dhismaha nidaam xog-ururin qaran iyo xoojinta MCS (Monitoring, Control & Surveillance)

A) Aqoonsiga awoodda waaxda kalluumaysiga

Goluhu wuxuu si cad u aqoonsaday in kalluumaysigu yahay mid ka mid ah tiirarka ugu muhiimsan ee kobaca dhaqaalaha Soomaaliya, maadaama dalku leeyahay xeeb dheer oo hodan ku ah kheyraad badeed aan weli si buuxda looga faa’iidaysan.

Sidoo kale, waxaa la adkeeyay in kheyraadka badda uu yahay hanti qaran oo istiraatiiji ah, loona baahan yahay dadaal qaran oo mideysan si loo beddelo faa’iido dhaqaale oo muuqata.

Dhiirrigelinta maalgashiga iyo canshuurdhaafka

Goluhu wuxuu isku raacay in la abuuro jawi maalgashi oo hufan oo taageera kobaca waaxda kalluumaysiga, iyadoo la hirgelinayo canshuurdhaaf qaran oo ku wajahan qalabka muhiimka ah ee maalgashiga kalluumaysiga, sida:
• Qalabka warshadaynta kalluunka
• Qalabka dhismaha iyo dayactirka doomaha
• Qalabka tamarta qorraxda
• Qalabka qabashada kalluunka
• Qalabka qaboojinta, kaydinta iyo gaadiidka silsiladda qabow

C) Dhiirrigelinta iyo suuq-geynta waaxda

Goluhu wuxuu ansixiyay qabashada Toddobaadka Kalluumaysiga Soomaaliya (22 Juun 2026), oo noqon doona madal qaran oo lagu soo bandhigo fursadaha maalgashi, lagu xoojiyo xiriirka ganacsi, laguna dhiirrigeliyo hal-abuurka iyo tiknoolajiyadda.

Sidoo kale, waxaa la isla qaatay:
• Xoojinta dekedaha kalluumaysiga iyo xarumaha qaboojinta
• Ballaadhinta tababarrada iyo horumarinta xirfadaha kalluumaysiga

D) Xoojinta nidaamyada maareynta xogta

Goluhu wuxuu adkeeyay muhiimadda xog sax ah oo lagu maamulo waaxda kalluumaysiga, waxaana la isku raacay:
• Dardargelinta nidaamka FIMS/FMIs
• Dhismaha nidaam xog ururin qaran oo mideysan
• Xoojinta tababarrada iyo kormeerka joogtada ah

E) La-dagaallanka kalluumaysiga sharci-darrada ah (IUU)

Goluhu wuxuu xaqiijiyay in kalluumaysiga sharci-darrada ah uu sababo khasaaro dhaqaale oo weyn.

Sidaas darteed waxaa la isku raacay:
• Xoojinta MCS
• Kordhinta ilaalinta badda
• Xoojinta wada-shaqeynta heer federaal, dowlad-goboleed iyo Gobolka Banaadir

Gunaanad

Shirka 7aad ee FMDC wuxuu ahaa tallaabo muhiim ah oo lagu horumarinayo waaxda kalluumaysiga Soomaaliya, si ay u noqoto mid casri ah, tartan leh, isla markaana waara. Goluhu wuxuu mar kale xaqiijiyay go’aankiisa ah in si wadajir ah looga faa’iideysto kheyraadka badda dalka.

DHAMMAAD

Muqdisho, 16 Apri, 2026:- Wasaaradda Kalluumaysiga iyo Khayraadka Badda ee Dowlad Goboleedka Waqooyi Bari ayaa ka qayb gashay Shirka 7-aad ee Golaha Maamulka iyo Horumarinta Kalluumaysiga Dalka oo maanta ka furmay magaalada Muqdisho, islamarkaana socon doona muddo laba maalmood ah.

Shirka ayaa waxaa furay Agaasimaha Guud ee Wasaaradda Kalluumaysiga iyo Dhaqaalaha Buluugga ah ee Dowladda Federaalka Soomaaliya, Mudane Cabdi Diirshe, oo warbixin guud ka bixiyay howlaha Wasaaradda, mashaariicda socda, heshiisyada la galay, iyo horumarka laga sameeyay hirgelinta qorshayaasha Wasaaradda.

Wasaaradda Kalluumaysiga iyo Khayraadka Badda ee Waqooyi Bari waxaa shirka ku matalay Ku-simaha Agaasimaha Guud, Mudane Mohamoud Ali Mire, oo door muuqda ka qaatay doodaha iyo falanqaynta arrimaha la xiriira horumarinta kalluumaysiga iyo dhaqaalaha buluugga ah.

Shirka waxaa sidoo kale ka qeyb galay Agaasimayaal Guud oo ka socday Wasaaradaha Kalluumaysiga ee Dowlad Goboleedyada kala ah Galmudug, Koonfur Galbeed, Hirshabeelle iyo Maamulka Gobolka Banaadir.

Intii uu shirka socday, waxaa si qoto dheer loo falanqeeyay qorshayaasha Wasaaradda, gaar ahaan mashruuca Badmaal ee 2026 iyo mashruuca Xog-ururinta FIMS oo ay Wasaaradda iska kaashanayaan Hay’adda FAO, iyadoo la isla eegay heerka ay marayaan iyo sidii loo dardar gelin lahaa hirgelintooda.

Ugu dambeyn, ka qeybgalayaasha shirka ayaa is-weydaarsaday aragtiyo iyo talooyin wax ku ool ah oo ku aaddan horumarinta sector-ka kalluumaysiga iyo dhaqaalaha buluugga ah, si si hufan looga faa’iideysto kheyraadka badda ee dalka.

______________
-DHAMMAAD-

🌙 Eid Mubarak

Wasiirka Wasaaradda Kalluumaysiga iyo Dhaqaalaha Buluuga ah ee Dawlad Goboleedka Waqooyi Bari, Ismail Sh. Salah Ahmed, waxa uu umada muslimiinta ah gaar ahaan shacabwaynaha woqooyi bari ugu hambalyaynaya munaasibada ciidul fidriga.

Waxaan alle waydiisanaynaa inuu inaka aqbalo acmasha wanaagsan an so samaynay bishii Ramadan.

_DHAMAAD_

Muqdisho – Wasiirka Wasaaradda Kalluumaysiga iyo Dhaqaalaha Buluugga ah ee Waqooyi Bari, Mudane Ismail Sh. Salah, ayaa booqasho ku tegey Wasaaradda Warfaafinta Soomaaliya, halkaas oo uu si diirran ugu soo dhoweeyay Wasiirka Wasaarada Warfaafinta Somalia,Mudane Daud Aweys. Booqashada waxaa sidoo kale ku wehelinayay Wasiirka Wasaradda Warfaafinta Waqooyi Bari.

Muqdisho : 8/Feb/2026:- Wasiirka Wasaaradda Kalluumeysiga iyo Dhaqaalaha Buluugga ah Mudane Ismaciil sh. Saalax oo uu weheliyo Wasiirka Qorsheynta, Horumarinta iyo Iskaashiga Caalamiga ah ee Dowladda Waqooyi Bari, Mudane Cali Warsame Cismaan , ayaa kulan la yeeshay hoggaanka Hay'adda (FAO) ee Soomaaliya.

Kulankaas oo ay kasoo qayb galeen madaxa (FAO) oo ugu horeeyo Etienne Peterschmitt, madaxa kalluumeysiga (FAO), Papa Gora Ndiaye, iyo isku-duwaha Barnaamijyada Cabdi Aadan.

Kulanka ayaa si qoto dheer diiradda loogu saaray xoojinta iskaashiga dhinacyada kalluumeysiga, beeraha, horumarinta xoolaha, iyo barnaamijka (SWALIM), iyadoo si gaar ah loo adkeeyay muhiimadda maareynta kheyraadka si waara, la qabsiga isbeddelka cimilada, iyo horumarinta nidaamyada xogta casriga ah.

Qodobadan ayaa lagu tilmaamay kuwo laf-dhabar u ah taageeridda nolol-maalmeedka bulshada iyo kobaca dhaqaalaha guud ahaan dowlad-goboleedka waqooyi bari.
________________
-DHAMMAAD-
Official Email: [email protected]
page: https://www.facebook.com/profile.php?id=61583030426352

Wasiirka Wasaaradda Kalluumeysiga iyo Khayraadka Badda ee Dowlad Goboleedka Waqooyi Bari, Mudane Ismail Sh. Salah Ahmed, ayaa kulan rasmi ah la qaatay Wasiirka Wasaaradda Kalluumeysiga ee Dowladda Federaalka Soomaaliya, Mudane Axmed Xasan Aadan, oo uu wehliyo Wasiir Ku-xigeenka Wasaaradda, Mudane Cali Ifiye.

Kulankan oo ka dhacay xarunta Wasaaradda Kalluumeysiga ee Dowladda Federaalka Soomaaliya, ayaa diiradda lagu saaray xoojinta wada-shaqeynta u dhaxaysa Dowladda Federaalka iyo Dowlad Goboleedka Waqooyi Bari, gaar ahaan horumarinta kalluumeysiga iyo kobcinta dhaqaalaha buluugga.

Wasiirka Wasaaradda Kalluumeysiga iyo Khayraadka Badda ee Dowlad Goboleedka Waqooyi Bari, Mudane Ismail Sh. Salah Ahmed, ayaa kulanka ka jeediyey hadal muhiim ah oo ku saabsan fursadaha iskaashi ee jira, isaga oo carrabka ku adkeeyey muhiimadda ay leedahay in si wax-ku-ool ah looga faa’iideysto mashaariicda horumarineed ee Wasaaradda Federaalka, si loo hirgeliyo barnaamijyo wax ku ool ah oo lagu horumarinayo kalluumeysiga iyo nolosha bulshada ku tiirsan.

Sidoo kale, Wasiirka Wasaaradda Qorsheynta ee Dowlad Goboleedka Waqooyi Bari oo Kulanka Qayb ka ahaa ayaa isna soo bandhigay sida qorsheyn mideysan iyo isku-dubarid sax ah ay door muhiim ah uga qaadan karaan hirgelinta mashaariic horumarineed oo waara.
Kulanka waxaa goobjoog ka ahaa Agaasimaha Guud ee Wasaaradda Kalluumeysiga ee Dowladda Federaalka Soomaaliya, Mudane Cabdi Diirshe.

Ugu dambeyn, Wasiirka Wasaaradda Kalluumeysiga iyo Khayraadka Badda ee Dowlad Goboleedka Waqooyi Bari ayaa bogaadiyey dadaallada Wasaaradda Federaalka, isaga oo adkeeyey sida ay Maamulka Waqooyi Bari uga go’an tahay xoojinta xiriirka iyo wada-shaqeynta labada dhinac, si loo gaaro horumar waara, kobac dhaqaale, iyo ka faa’iideysi hufan oo khayraadka badda ah.

DHAMAAD.

Muqdisho | 4 Febraayo 2026

Wasiirka Kalluumeysiga Dowladda Waqooyi Bari Mudane Ismaaciil Axmed, Wasiirka Qorsheynta Mudane Cali Warsame, iyo Xildhibaan Cabdiqani Maxamuud Dhaanto ayaa maanta kulan rasmi ah kula yeeshay xarunta dhexe ee Hay’adda TIKA magaalada Muqdisho.

Kulanka waxaa xooga lagu saaray arrimaha la xiriira horumarinta baahiyaha aasaasiga ah, waxaa si gaar ah looga wada hadlay dardar gelinta iyo abuurida mashaariic horumarineed, kor uqaadida ilaha dhaqaalaha iyadoo la xoojinayo doorka kalluumeystada iyo dhammeystirka dayactirka xaruntii Daraawiishta ee Taleex, taas oo door muhiim ah ka qaadan doonta kobcinta dalxiiska, ilaalinta dhaxalka taariikhiga ah.

Ugu dambeyn, dhinacyadu waxay isla qaateen in la dardargeliyo wada shaqeynta iyo iskaashiga joogtada ah ee lagu horumarinayo mashaariicda taariikhiga ah iyo horumarinta guud ee deegaannada Waqooyi Bari.

——- Dhammaad ——-