Wasaaradda Hawlaha Guud, Dib u dhiska & Guriyeynta -Soomaaliya

𝐐𝐎𝐃𝐎𝐁𝐀𝐃𝐀 𝐃𝐎𝐎𝐑-𝐗𝐔𝐋𝐊𝐀 𝐀𝐇 𝐄𝐄 𝐖𝐀𝐗𝐐𝐀𝐁𝐀𝐃𝐊𝐀
𝐖𝐀𝐒𝐀𝐀𝐑𝐀𝐃𝐃𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃, 𝐃𝐈𝐁-𝐔-𝐃𝐇𝐈𝐒𝐊𝐀 & 𝐆𝐔𝐑𝐈𝐘𝐄𝐘𝐍𝐓𝐀 𝐗𝐅𝐒 - 𝐁𝐈𝐒𝐇𝐀 𝐌𝐀𝐘 𝟐𝟎𝟐𝟔

𝗠𝗨𝗤𝗗𝗜𝗦𝗛𝗢 | 𝟬𝟭 - 𝗝𝘂𝘂𝗻 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-Dhiska iyo Guriyeynta ee XFS mudane Xildhibaan Ayub Ismail Yusuf ayaa bishii May 2026 sii wadday hirgelinta waajibaadkeeda qaran, isagoo si hufan oo qorsheysan u fuliyay hawlo muhiim ah oo istiraatiiji ah. Hawlahaasi waxay diiradda saareen horumarinta qorsheynta qaran, dardargelinta mashaariicda kaabeyaasha dhaqaalaha, tayeynta habraacyada maamulka, iyo xoojinta iskaashiga hay’adaha dowladda.

Intii lagu guda jiray bisha May, Wasiirka Wasaaradda Hawlaha Guud, Dib-u-Dhiska iyo Guriyeynta ayaa safarro shaqo ku kala tagay dalalka Azerbaijan iyo Turkey, halkaas oo uu kaga qayb galay shirar heer caalami ah iyo kulamo muhiim ah. Kulamadaasi waxay salka ku hayeen xoojinta iskaashiga labada dhinac, isdhaafsiga khibradaha iyo aqoonta, iyo soo jiidashada fursado cusub oo lagu horumarinayo mashaariicda dib-u-dhiska, kaabeyaasha dhaqaalaha iyo guriyeynta dalka.

Safarradan ayaa ka tarjumaya dadaallada joogtada ah ee Wasaaradda ay ku ballaarinayso xiriirrada caalamiga ah, kuna xoojinayso wada-shaqeynta ay la leedahay hay’adaha iyo dalalka saaxiibka la ah Soomaaliya, si loo dardargeliyo horumarka iyo dib-u-dhiska dalka.

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑 𝐀𝐘𝐔𝐔𝐁 𝐎𝐎 𝐔 𝐇𝐀𝐌𝐁𝐀𝐋𝐘𝐄𝐄𝐘𝐀𝐘 𝐔𝐌𝐌𝐀𝐃𝐃𝐀 𝐒𝐎𝐎𝐌𝐀𝐀𝐋𝐈𝐘𝐄𝐄𝐃 𝐌𝐔𝐍𝐀𝐀𝐒𝐀𝐁𝐀𝐃𝐃𝐀 𝐂𝐈𝐈𝐃𝐔𝐋 𝐀𝐃𝐗𝐀

𝗠𝗨𝗤𝗗𝗜𝗦𝗛𝗢 | 𝟮𝟲- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska & Guriyeynta Dowladda Federaalka Soomaaliya, Mudane Xildhibaan Ayub Ismail Yusuf , ayaa hambalyo iyo bogaadin u diraya guud ahaan shucuubta Islaamka, gaar ahaanna shacabka Soomaaliyeed, munaasabadda barakaysan ee Ciidul Adxaa.

Mudane Wasiirka Ayub ayaa Alle uga baryey ummadda Soomaaliyeed nabad, barwaaqo, horumar iyo midnimo waarta, isaga oo shacabka ku dhiirrigeliyey xoojinta walaaltinimada, wada-jirka iyo is-garab istaagga bulshada dhexdeeda.

Ugu dambayn, Wasiirku waxa uu Alle SWT ka baryey in sannadkan sannadkiisa lagu gaaro bash-bash, barwaaqo iyo xasilooni, isla markaana uu Eebbe ka aqbalo dhammaan acmaashii suubbanaa ee lagu guda jiray bisha barakaysan ee Dhul-Xijjah (ذو الحجة).

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐅𝐃𝐈𝐆𝐀 𝐖𝐀𝐒𝐀𝐀𝐑𝐀𝐃𝐃𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐊𝐀 𝐐𝐄𝐘𝐁 𝐆𝐀𝐋𝐀𝐘 𝐖𝐀𝐉𝐈𝐆𝐀 𝟐𝐀𝐀𝐃 𝐄𝐄 𝐌𝐀𝐃𝐀𝐒𝐇𝐀 𝐌𝐀𝐆𝐀𝐀𝐋𝐎𝐎𝐘𝐈𝐍𝐊𝐀 𝐀𝐃𝐔𝐔𝐍𝐊𝐀 𝐖𝐔𝐅𝟏𝟑

𝐁𝐀𝐊𝐔 | 𝟮𝟮- 𝐌𝐀𝐘 - 𝟮𝟬𝟮𝟲 - Wasiiru Dowlaha Wasaaradda Hawlaha Guud, Dib-u-dhiska iyo Guriyeynta Dowladda Federaalka Soomaaliya, Mudane Siciid Maxamed Maxamuud Xeyd, iyo wafdi uu hoggaaminayo oo ka kooban safiiro, agaasimayaal iyo la-taliyeyaal sare oo ka tirsan wasaaradda, ayaa ka qeyb galay wajiga labaad ee Madasha Magaalooyinka Adduunka ee WUF13 oo ka socota magaalada Baku ee dalka Azerbaijan.

Wasiiru Dowlaha ayaa qudbad muhiim ah ka jeediyay munaasabad looga hadlayay dib-u-habeynta guriyeynta iyo maamulka dhulka Soomaaliya, isaga oo soo bandhigay qorshayaasha Dowladda Federaalka Soomaaliya ee la xiriira horumarinta guriyeynta casriga ah iyo dib-u-dhiska magaalooyinka dalka.

Sidoo kale, Wasiiru Dowlaha ayaa ka qeyb galay Madasha Wasiirrada Afrika ee qeybta ka ah shirweynaha WUF13, halkaas oo diiradda lagu saaray xalalka waara ee guriyeynta iyo horumarinta magaalooyinka waaweyn ee Afrika. Mudane Siciid Maxamed Maxamuud Xeyd ayaa madasha ka jeediyay qudbad dhinacyo badan taabaneysa oo ku saabsan qorshayaasha guriyeynta Soomaaliya, ka hortagga saameynta aafooyinka dabiiciga ah iyo colaadaha, iyo hirgelinta yoolalka horumarineed ee SDG11.

Intii uu shirku socday, Wasiiru Dowlaha ayaa kulamo gaar gaar ah la yeeshay madax iyo wufuud ka socotay dalal kala duwan iyo hay’adaha caalamiga ah. Waxa uu sidoo kale qeyb ka ahaa madaxda lagu casuumay casho sharaf uu martigeliyay Madaxweynaha Azerbaijan, Mudane Ilham Aliyev, oo ay ka qeyb galeen madax caalami ah oo ay kamid yihiin Madaxweynaha Kenya William Ruto iyo madaxda Hay’adda UN-Habitat.

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐀𝐍𝐊𝐀𝐑𝐀 𝐊𝐔𝐋𝐀𝐍 𝐌𝐔𝐇𝐈𝐈𝐌 𝐀𝐇 𝐊𝐔𝐋𝐀 𝐐𝐀𝐀𝐓𝐀𝐘 𝐖𝐀𝐒𝐈𝐈𝐑𝐊𝐀 𝐆𝐀𝐀𝐃𝐈𝐃𝐊𝐀 𝐈𝐘𝐎 𝐃𝐇𝐈𝐒𝐌𝐀𝐇𝐀 𝐃𝐀𝐋𝐊𝐀 𝐓𝐔𝐑𝐊𝐈𝐆𝐀

𝘼𝙉𝙆𝘼𝙍𝘼 | 𝟮𝟭- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta Dowladda Federaalka Soomaaliya, Mudane Xildhibaan Ayub Ismail Yusuf , ayaa maanta kulan muhiim ah kula qaatay magaalada Ankara Wasiirka Gaadiidka iyo Dhismaha Dowladda Turkiga, Mudane Abdulkadir Uraloglu.

Kulanka oo ka qabsoomay hoolka shirarka ee Wasaaradda Gaadiidka iyo Dhismaha Turkiga ayaa waxaa ka qeyb galay masuuliyiin iyo lataliyeyaal ka socday labada wasaaradood. Intii uu kulanku socday, labada dhinac ayaa diiradda saaray xoojinta xiriirka iyo wada shaqeynta ka dhaxeysa Soomaaliya iyo Turkiga, gaar ahaan dhinacyada dib-u-dhiska, horumarinta kaabeyaasha dhaqaalaha, dhismaha waddooyinka, guriyeynta casriga ah, qorsheynta magaalooyinka iyo hubinta tayada dhismayaasha.

Wasiirka Gaadiidka iyo Dhismaha Turkiga, Mudane Abdulkadir Uraloglu, ayaa ugu horeyn si diirran u soo dhaweeyay wafdiga Soomaaliya, isaga oo muujiyay sida Dowladda Turkigu uga go’an tahay taageerada Soomaaliya ee dhinacyada horumarinta iyo dib-u-dhiska.

Dhankiisa, Wasiirka Hawlaha Guud XFS, Mudane Ayub Yusuf Ismaaciil, ayaa tilmaamay muhiimadda ay Soomaaliya u leedahay khibradda iyo aqoonta horumarsan ee Turkiga, gaar ahaan dhinacyada injineernimada iyo maamulka mashaariicda waaweyn. Wasiirku wuxuu xusay in Wasaaradda Hawlaha Guud ee Soomaaliya ay doonayso in injineerada iyo shaqaalaha wasaaradda laga faa’iideeyo tababarrada iyo aqoonta ay leeyihiin khubarada Turkiga, si ay door muuqda uga qaataan dib-u-dhiska dalka.

Kulanka kadib, Wasiir Ayub Yusuf Ismaaciil ayaa booqashooyin kala duwan ku tegay xarumo hoostaga Wasaaradda Gaadiidka iyo Dhismaha Turkiga, waxaana si rasmi ah u qaabilay Agaasimaha Hay’adda Waddooyinka ee Dowladda Turkiga oo warbixin ka siiyay howlaha ay hay’addu qabato iyo mashaariicda waaweyn ee ay gacanta ku heyso.

Wasiirka Ayub Ismail Yusuf ayaa kormeer ku sameeyay waddooyin lagu hirgeliyay nidaamka PPP, kaas oo ay shirkado gaar loo leeyahay ku maalgelinayaan dhismaha waddooyinka, halka khidmadaha isticmaalka waddooyinka lagu qaado nidaam casri ah oo electronic ah. sidoo kale Wasiirka ayaa Wasiirka xarunta dayactirka gaadiidka ee wasaaradda, halkaas oo lagu siiyay warbixin dhameystiran oo ku saabsan hababka casriga ah ee loo maamulo iyo dayactirka gaadiidka dowladda.

Ugu dambeyn, labada dhinac ayaa ku heshiiyay in la dhiso guddi farsamo oo ka shaqeeya horumarinta wada shaqeynta labada wasaaradood iyo dardargelinta mashaariicda iskaashiga ah ee mustaqbalka.

-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Facebook.com/mopwrh
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐀𝐍𝐊𝐀𝐑𝐀 𝐊𝐔𝐋𝐀𝐍 𝐌𝐈𝐑𝐀𝐃𝐇𝐀𝐋 𝐀𝐇 𝐊𝐔𝐋𝐀 𝐐𝐀𝐀𝐓𝐀𝐘 𝐌𝐀𝐃𝐀𝐗𝐀 𝐇𝐀𝐘’𝐀𝐃𝐃𝐀 𝐓𝐈𝐊𝐀 𝐄𝐄 𝐓𝐔𝐑𝐊𝐈𝐆𝐀

𝘼𝙉𝙆𝘼𝙍𝘼 | 𝟮𝟭- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta Dowladda Federaalka Soomaaliya, Mudane Xildhibaan Ayub Ismail Yusuf , ayaa magaalada Ankara ee caasimadda dalka Turkiga kulan muhiim ah kula yeeshay Madaxa Wakaaladda Iskaashiga iyo Isu-duwidda Turkiga (TIKA), Mudane Abdullah Eren , oo ku qaabilay xarunta dhexe ee hay’adda.

Kulanka ayaa diiradda lagu saaray xoojinta xiriirka taariikhiga ah ee u dhexeeya Soomaaliya iyo Turkiga, iyo sidii loo dardargelin lahaa mashaariicda horumarineed ee wax ku oolka ah, gaar ahaan dhinacyada dib-u-dhiska, horumarinta kaabayaasha dhaqaalaha iyo taageerada bulshada.

Wasiir Ayub Ismail Yusuf ayaa si weyn uga mahadceliyay taageerada joogtada ah ee ay Dowladda Turkiga iyo hay’adda TIKA siiyaan Soomaaliya, isaga oo xusay in mashaariicda ay ka hirgeliso dalka ay door muuqda ka qaataan horumarka, dib-u-soo kabashada iyo xasilloonida Soomaaliya.

Sidoo kale, labada dhinac ayaa qiimeeyay heerka uu marayo iskaashiga labada dal iyo fursadaha cusub ee lagu ballaarin karo wada-shaqeynta mustaqbalka, si loo xoojiyo dadaallada horumarineed ee socda.

Wasaaradda Hawlaha Guud, Dib-u-dhiska iyo Guriyeynta XFS ayaa sheegtay inay sii wadi doonto xoojinta iskaashiga iyo adkeynta xiriirka walaaltinimo ee Soomaaliya iyo Turkiga, iyadoo mudnaanta la siinayo hirgelinta mashaariic wax ku ool ah oo la jaanqaadaya qorshayaasha horumarineed iyo dib-u-dhiska dalka.


-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Facebook.com/mopwrh
🐦 Twitter:
🎵 Tiktok: tiktok.com/

𝐀𝐆𝐀𝐀𝐒𝐈𝐌𝐀𝐇𝐀 𝐆𝐔𝐔𝐃 𝐄𝐄 𝐖𝐀𝐒𝐀𝐀𝐑𝐀𝐃𝐃𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐗𝐅𝐒 𝐎𝐎 𝐊𝐔𝐋𝐀𝐍 𝐌𝐔𝐇𝐈𝐈𝐌 𝐀𝐇 𝐋𝐀 𝐐𝐀𝐀𝐓𝐀𝐘 𝐃𝐀𝐍𝐉𝐈𝐑𝐀𝐇𝐀 𝐓𝐀𝐋𝐘𝐀𝐀𝐍𝐈𝐆𝐀

𝗠𝗨𝗤𝗗𝗜𝗦𝗛𝗢 | 𝟮𝟬- 𝐌𝐀𝐘 - 𝟮𝟬𝟮𝟲 - Agaasimaha Guud ee Wasaaradda Hawlaha Guud, Dib-u-dhiska iyo Guriyeynta Dowladda Federaalka Soomaaliya, Mudane Farah Abdinoor Ahmed , ayaa kulan heer sare ah la yeeshay Danjiraha Dowladda Talyaaniga u fadhiya Soomaaliya, Mudane Pier Mario Daccò Coppi.

Kulankan oo ka qabsoomay xarunta Wasaaradda Hawlaha Guud, Dib-u-dhiska iyo Guriyeynta XFS, ayaa waxaa Agaasimaha Guud ku wehliyay madaxda mashaariicda ee Wasaaradda. Inta uu socday kulanka ayaa diiradda lagu saaray xoojinta iskaashiga dhinacyada horumarinta kaabayaasha dhaqaalaha, dib-u-dhiska dalka iyo horumarinta magaalooyinka.

Sidoo kale, labada dhinac ayaa si gaar ah uga wada hadlay mashaariicda horumarineed ee Dowladda Talyaanigu ka taageerto Soomaaliya, iyo sidii loo sii dardargelin lahaa hirgelintooda si ay uga qeyb qaataan dib-u-soo kabashada iyo horumarka dalka.

Kulanka ayaa kusoo dhammaaday is-afgarad miro-dhal ah iyo ballanqaad lagu xoojinayo wada-shaqeynta labada dhinac, si loo dardargeliyo dadaallada horumarineed ee socda.


-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Wasaaradda Hawlaha Guud, Dib u dhiska & Guriyeynta -Soomaaliya
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑 𝐀𝐘𝐔𝐁 𝐈𝐒𝐌𝐀𝐈𝐋 𝐎𝐎 𝐁𝐀𝐊𝐔 𝐊𝐔𝐋𝐀𝐍 𝐈𝐒𝐊𝐀𝐀𝐒𝐇𝐈 𝐀𝐇 𝐊𝐔𝐋𝐀 𝐐𝐀𝐀𝐓𝐀𝐘 𝐖𝐀𝐒𝐈𝐈𝐑𝐊𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃 𝐄𝐄 𝐃𝐎𝐖𝐋𝐀𝐃𝐃𝐀 𝐌𝐎𝐑𝐎𝐂𝐂𝐎

𝐁𝐀𝐊𝐔 | 𝟮𝟬- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta XFS mudane Xildhibaan Ayub Ismail Yusuf ayaa kulan kula qaatay magaalada Baku ee dalka Azerbaijan Mudane Adib bin Ibrahim, Xoghayaha Dowladeedka ee Wasaaradda Qorsheynta Dhulka, Dhismaha, Guriyeynta iyo Siyaasadda Magaalooyinka ee Boqortooyada walaalaha ah ee Morocco.

Wasiirka ayaa waxaa kulanka ku wehliyay Danjirayaasha Soomaaliya ee Jamhuuriydda Azerbaijan mudane Cabdinuur Fiidoow Iyo Safiirka Soomaaliya u fadhiya Kenya mudane Jabriil Ibrahim Cabdulle Soomaaliya, intii uu socday Shirweynaha Caalamiga ah ee Magaalooyinka Adduunka ee World Urban Forum 13, waxaana mas’uuliyiintu ay ka wada hadleen xoojinta iskaashiga iyo isku-duwidda dhinacyada la xiriira horumarinta magaalooyinka, guriyeynta iyo dib-u-dhiska.

Kulankan ayaa qeyb ka ah dadaallada Dowladda Federaalka Soomaaliya ay ku xoojinayso xiriirrada caalamiga ah iyo iskaashiga dhinacyada horumarinta magaalooyinka iyo guriyeynta.



-𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Wasaaradda Hawlaha Guud, Dib u dhiska & Guriyeynta -Soomaaliya
🐦 Twitter:
🎵 Tiktok: tiktok.com/

𝐖𝐀𝐒𝐈𝐈𝐑𝐊𝐀 𝐖𝐀𝐒𝐀𝐀𝐑𝐀𝐃𝐃𝐀 𝐇𝐀𝐖𝐋𝐀𝐇𝐀 𝐆𝐔𝐔𝐃, 𝐃𝐈𝐁-𝐔-𝐃𝐇𝐈𝐒𝐊𝐀 𝐈𝐘𝐎 𝐆𝐔𝐑𝐈𝐘𝐄𝐘𝐍𝐓𝐀 𝐗𝐅𝐒 𝐎𝐎 𝐁𝐀𝐊𝐔 𝐊𝐔𝐋𝐀𝐍 𝐌𝐔𝐇𝐈𝐈𝐌 𝐀𝐇 𝐊𝐔𝐋𝐀 𝐘𝐄𝐄𝐒𝐇𝐀𝐘 𝐗𝐎𝐆𝐇𝐀𝐘𝐀𝐇𝐀 𝐆𝐔𝐔𝐃 𝐄𝐄 𝐆𝐂𝐂-𝐃𝐀

𝐁𝐀𝐊𝐔 | 𝟭𝟵- 𝐌𝐀𝐘 - 𝟮𝟬𝟮𝟲 - Wasiirka Wasaaradda Hawlaha Guud, Dib-u-dhiska iyo Guriyeynta XFS, Mudane Xildhibaan Ayub Ismail Yusuf , oo uu wehliyo Safiirka Jamhuuriyadda Federaalka Soomaaliya u fadhiya Jamhuuriyadda Azerbaijan, Danjire Abdinur Dahir Fidow ayaa kulan-doceed muhiim ah oo ka tirsan Shirka Madasha Caalamiga ah ee Magaalooyinka Adduunka, kana socda magaalada Baku ee dalka Azerbaijan, la yeeshay Xoghayaha Guud ee Golaha Iskaashiga Dalalka Khaliijka Carabta (GCC), Mudane Jaasim Maxamed Al-Budaywi.

Kulanka ayaa diiradda lagu saaray xoojinta iskaashiga iyo isku-duwidda dhinacyada horumarinta magaalooyinka, kaabayaasha dhaqaalaha, dib-u-dhiska, iyo horumarka waara, iyadoo si gaar ah loo falanqeeyay fursadaha iskaashi ee u horseedi kara Soomaaliya horumar muuqda.

Kulankan oo muhiimad gaar ah u lahaa Dowladda Federaalka Soomaaliya, ayaa ku soo dhammaaday is-afgarad iyo natiijooyin wax ku ool ah oo kor u qaadaya xiriirka iyo wada-shaqeynta labada dhinac.

--𝐃𝐇𝐀𝐌𝐌𝐀𝐀𝐃-

__________________________________________________

Wixii faahfaahin ah kala xiriir:
Hussain Adan ibrahim | Xuseen Baarri
Xafiiska Warbaahinta iyo Lafalgalka Dadweynaha ee Wasaaradda

📧 Email: [email protected]
🌐 Website: mpwr.gov.so
📘Wasaaradda Hawlaha Guud, Dib u dhiska & Guriyeynta -Soomaaliya
🐦 Twitter:
🎵 Tiktok: tiktok.com/