Baaghi Media

د ایران تباهي یوازې د یو هېواد ستونزه نه ده، بلکې د زرګونو افغان کورنیو د ژوند د ملا ماتېدل دي.
کلونه کلونه افغان کارګرانو هلته په مزدورۍ خپل ژوند تیر کړ، د خپلو اولادونو راتلونکی یې ورباندې تکیه کړی وو.
که ایران کمزوری شي، اقتصاد یې راولوېږي او کارونه کم شي، تر ټولو لومړی زیان یې هغه بېوزله افغانان ویني چې هره ورځ د مزدورۍ په تمه ولاړ وي.
دا یوازې سیاست نه دی، دا د کورنیو د ډوډۍ، د ماشومانو د تعلیم او د میندو د دعا موضوع ده.
کله چې یو هېواد اقتصادي بحران ته ځي، د مهاجرو ژوند څو چنده سختېږي.
نو د ایران تباهي د ډېرو افغانانو لپاره د هیلو د کمزوري کېدو معنا لري. تاریخ به دا نه هېروي چې د میلیونونو افغان کورنیو ډوډۍ د همدې مزدورۍ له لارې برابرېده هر څوک به خپل نظر لري، خو د ډېرو افغان بېوزلو او مزدورکارو لپاره ایران یوازې یو ګاونډی هېواد نه وو، بلکې د امید ځای وو.
په سختو شرایطو کې چې په وطن کې کار کم او فرصتونه محدود وو، زرګونه افغان کارګرانو په ایران کې د خپل عرق او زحمت له لارې د خپلو کورنیو لپاره نفقه پیدا کوله.
هلته یې په ساختماني، فابریکو او نورو سختو کارونو کې شپه او ورځ تیره کړه، څو خپل اولادونه وږې پاتې نه شي.
که څه هم ستونزې موجودې وې، خو د کار موندلو او عاید ترلاسه کولو له پلوه ایران د ډېرو لپاره د ژوند یوه مهمه دروازه وه.