ស្នងការដ្ឋាននគរបាលខេត្តត្បូងឃ្មុំ Commissariat of Tboung Khmum Police

ឯកឧត្តម នាយឧត្តមសេនីយ៍ ស ថេត អញ្ជើញដឹកនាំកិច្ចប្រជុំដកពិសោធន៍ការងារបង្រ្កាបការឆបោកតាមប្រព័ន្ធបច្ចេកវិទ្យា (Online Scams)

#រាជធានីភ្នំពេញ ៖ នារសៀលថ្ងៃអង្គារ ទី២៣ ខែមិថុនា ឆ្នាំ២០២៦ នេះ
លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានអញ្ជើញដឹកនាំកិច្ចប្រជុំដកពិសោធន៍ការងារបង្រ្កាបការឆបោកតាមប្រព័ន្ធបច្ចេកវិទ្យា (Online Scams) ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ។

កិច្ចប្រជុំនេះ ប្រារព្ធធ្វើនៅបន្ទប់ប្រជុំខេត្តឧត្តរមានជ័យ នៃទីស្តីការក្រសួងមហាផ្ទៃ ដោយមានការអញ្ជើញចូលរួមពី អគ្គស្នងការរនគរបាលជាតិ, ប្រធាន-អនុប្រធានសេនាធិការដ្ឋាន, ប្រធាន-អនុប្រធាននាយកដ្ឋាន អង្គភាពពាក់ព័ន្ធ និងស្នងការនគរបាលរាជធានី-ខេត្តទាំង២៥៕

ថ្ងៃអង្គារ ទី២៣ ខែមិថុនា ឆ្នាំ២០២៦នេះ លោកឧត្តមសេនីយ៍ទោចិន នី ស្នងការ នៃស្នងការដ្ឋាននគរបាលខេត្តត្បូងឃ្មុំ បានចូលរួមកិច្ចប្រជុំពិនិត្យតាមដានវឌ្ឍនភាពការងារបង្រ្កាបបទល្មើសឆបោកតាមប្រព័ន្ធបច្ចេកវិទ្យា និងសហប្រតិបត្តិការរវាងអគ្គស្នងការដ្ឋាននគរបាលជាតិ និងការិយាល័យស៊ើបអង្កេតសហព័ន្ធ (FBI) ប្រចាំកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅសាលប្រជុំសម្តេចក្រឡាហោម ស ខេង ទីស្តីការក្រសួងមហាផ្ទៃ ៕

លោកឧត្តមសេនីយ៍ទោ ចិន នី ដឹកនាំប្រតិភូស្នងការដ្ឋាននគរបាលខេត្ត ដាក់កម្រងផ្កាគោរពវិញ្ញាណក្ខន្ធយុទ្ធជន និងបុព្វបុរសដែលបានពលីជីវិតដើម្បីរំដោះប្រទេសជាតិ និងសង្គ្រោះអាយុជីវិតប្រជាជន នៅមហាចេតិយតំបន់ប្រវត្តិសាស្ត្រយោធាតេជោកោះថ្ម X16

ខេត្តត្បូងឃ្មុំ ៖ នៅព្រឹកថ្ងៃពុធ ៣កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែមិថុនា ឆ្នាំ២០២៦ នេះ
ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានអញ្ជើញដឹកនាំប្រតិភូ ស្នងការដ្ឋាននគរបាលខេត្ត ដាក់កម្រងផ្កាគោរពវិញ្ញាណក្ខន្ធយុទ្ធជន និងបុព្វបុរសដែលបានពលីជីវិតដើម្បីរំដោះប្រទេសជាតិ និងសង្គ្រោះអាយុជីវិតប្រជាជន នៅមហាចេតិយតំបន់ប្រវត្តិសាស្ត្រយោធាតេជោកោះថ្ម X16 ឃុំទន្លូង ស្រុកមេមត់ ខេត្តត្បូងឃ្មុំ ៕

សូមជម្រាបជូន បង ប្អូន ប្រជាពលរដ្ឋ ដែលបានស្គាល់ រឺសាមីខ្លួន ឈ្មោះ អ៊ាត អេងតាយ ភេទស្រី រស់នៅភូមិជាចកើត ឃុំចុងជាច ស្រុកតំបែរ ដែលបាន ជ្រុះអត្តសញ្ញាណប័ណ្ណសញ្ជាតិខ្មែរ និងកាបូបដៃពណ៌ខ្មៅ ក្នុងកម្មវិធីពិព័រណ៍ទុរេនរដ្ឋបាលខេត្ត ដូចក្នុងរូបភាពនេះ អាចទាក់ទងទៅទទួលយកនៅប៉ុស្តិ៍ប្រចាំការ ២៤/២៤ ទល់មុខផ្លាកខ្ញុំស្រលាញ់ត្បូងឃ្មុំ ។

សូមអរគុណ !

លោកឧត្តមសេនីយ៍ទោ ចិន នី ៖ បងប្អូនអាចរងាកាយដោយអាកាសធាតុ តែមិនរងាចិត្តនោះទេ

#ខេត្តបន្ទាយមានជ័យ៖ នៅរសៀលថ្ងៃពុធ ទី១០ ខែមិថុនា ឆ្នាំ២០២៦ ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ និងភរិយា បានអញ្ជើញសំណេះសំណាល សួរសុខទុក្ខ និងបាននាំយកថវិកាដ៏ថ្លៃថ្លារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ចំនួន ២ ០០០(ពីរពាន់) ដុល្លារ ប្រគល់ជូន កងកម្លាំងនគរបាលជាតិ វរសេនាតូចនគរបាលការពារព្រំដែនគោកលេខ៦១៧ នៃស្នងការដ្ឋាននគរបាលខេត្តត្បូងឃ្មុំ ដែលកំពុងបំពេញបេសកកម្ម នៅខេត្តបន្ទាយមានជ័យ ៕ ឆ្លៀតឱកាសនេះ លោកឧត្តមសេនីយ៍ទោស្នងការបានផ្តាំផ្ញើដល់កងកម្លាំងនគរបាល ដែលកំពុងបំពេញបេសកកម្ម ថែរក្សាសុខភាព មានការអត់ធ្មត់ និងប្រុងប្រយ័ត្នខ្ពស់ អនុវត្តយ៉ាងម៉ឺតម៉ាត់រាល់បទបញ្ជារបស់ថ្នាក់ដឹកនាំ។

លោកឧត្តមសេនីយ៍ទោ ស្នងការនគរបាលខេត្តត្បូងឃ្មុំ តែងតែយកចិត្តទុកដាក់ ពីសុខទុក្ខ ជីវភាព មន្ត្រីនគរបាល ក្រោមឱវាទ ទាំងពេលកំពុងបម្រើការងារ និងកំពុងសម្រាកព្យាបាលជំងឺ រឺកំពុងជាប់សិក្សាវគ្គបណ្ដុះបណ្ដាលជំនាញផ្សេងៗ

រាជធានីភ្នំពេញ ៖ នៅរសៀលថ្ងៃអង្គារ ទី៩ ខែ​មិថុនា​ ឆ្នាំ២០២៦​ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានឆ្លៀតពេលចុះសាកសួរសុខទុក្ខ និងសំណេះសំណាល ជាមួយសិក្ខាកាម ចំនួន៤នាក់ នៃស្នងការដ្ឋាននគរបាលខេត្តត្បូងឃ្មំ មកហ្វឹកហាត់ការគ្រប់គ្រង និងបញ្ជាសុនខជំនាញ នៅអង្គភាពអន្តរាគមន៍ នៃអគ្គស្នងការដ្ឋាននគរបាលជាតិ(ព្រែកឯង) រយៈពេល ៥ខែ ។ ឆ្លៀតក្នុងឱកាសនេះផងដែរ លោកឧត្តមសេនីយ៍ទោស្នងការ បានផ្តាំផ្ញើសិក្ខាកាមត្រូវយកចិត្តទុកដាក់ហ្វឹកហាត់ ថែទាំសុខភាព និងថែទាំសុនខ ដើម្បីយកជំនាញ និងសុនខ ទៅបម្រើការងារអង្គភាពក្នុងការប្រយុទ្ធប្រឆាំងនឹងបទល្មើសគ្រឿងញៀន និងបទល្មើសផ្សេងៗទៀត ក្នុងនោះលោកឧត្តមសេនីយ៍ស្នងការ បានឧបត្ថម្ភដល់សិក្ខាកាមទាំង០៤នាក់ដោយក្នុង១នាក់ ២០០,០០០រៀល បន្ថែមពីលើប្រាក់ឧបត្ថម្ភប្រចាំខែ ដើម្បីជួយសម្រួលដល់ ជីវភាព សិក្ខាកាម ក្នុងការមកហ្វឹកហាត់វគ្គបំប៉ននេះផងដែរ ។

ស្នងការនគរបាលខេត្តត្បូងឃ្មុំ នាំយកថវិកា ចូលរួមយុទ្ធនាការ ១ម៉ឺនរៀល ១ម៉ឺននាក់ របស់មូលនិធិគន្ធបុប្ផាកម្ពុជា រួមគ្នាដើម្បីបន្តស្នាមញញឹមកុមារកម្ពុជា

ខេត្តត្បូងឃ្មុំ ៖ រសៀលថ្ងៃចន្ទ ទី៨ ខែ​មិថុនា​ ឆ្នាំ២០២៦​ ដោយអនុវត្តតាមអនុសាសន៍ណែ​នាំដ៏ខ្ពង់ខ្ពស់ពី ឯកឧត្តម នាយឧត្តមសេ​នីយ៍ ស ថេត អគ្គស្នងការនគរ​បាលជាតិ លោកឧត្តមសេនីយ៍ទោ ចិន នី ស្នងការ នគរបាលខេត្តត្បូងឃ្មុំ បានប្រគល់ថវិកា ចំនួន ១០ ០០០ ០០០ (ដប់លាន)រៀល ដែលបានមកពីការស្ម័គ្រចិត្តចូលរួមការងារមនុស្សធម៌ របស់មន្ត្រីនគរបាលជាតិ នៃស្នងការដ្ឋាននគរបាលខេត្តត្បូងឃ្មុំ ជូនឯកឧត្តម ប៉ែន កុសល្យ អភិបាល នៃគណៈអភិបាលខេត្តត្បូងឃ្មុំ ដើម្បីចូលរួមយុទ្ធនាការ ១ម៉ឺនរៀល ១ម៉ឺននាក់ របស់មូលនិធិគន្ធបុប្ផាកម្ពុជា រួមគ្នាដើម្បីបន្តស្នាមញញឹមកុមារកម្ពុជា ។

កម្លាំងគណៈបញ្ជាការឯកភាពខេត្តត្បូងឃ្មុំ បន្តចុះរដ្ឋបាលនៅតាមផ្ទះវីឡា ផ្ទះសំណាក់ និងបន្ទប់ជួល ដើម្បីបន្តស្វែងរកជនបរទេសស្នាក់នៅខុសច្បាប់ និងលួចលាក់ប្រព្រឹត្តបទល្មើសឆបោក​តាម​ប្រព័ន្ធបច្ចេកវិទ្យា (Online scams)

#ខេត្តត្បូងឃ្មុំ ៖ នៅថ្ងៃសុក្រ ទី៥ ខែមិថុនាឆ្នាំ២០២៦
ដោយអនុវត្តតាមបទបញ្ជាយ៉ាងមុឺងម៉ាត់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង ឯកឧត្តម ប៉ែន កុសល្យ អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តត្បូងឃ្មុំ លោកឧត្តមសេនីយ៍ទោ ចិន នី ស្នងការនគរបាលខេត្តត្បូងឃ្មុំ បានដឹកនាំកងកម្លាំងនគរបាលក្រោមឱវាទ កម្លាំងជំនាញនាយកដ្ឋានព្រហ្មទណ្ឌ កម្លាំងអាវុធហត្ថខេត្ត និងដោយមានការសម្របសម្រួលពីតំណាងអយ្យការ អមសាលាដំបូងខេត្ត បានបន្តអនុវត្តដូចភ្លៀងរលឹម ចុះធ្វើរដ្ឋបាលចំហរត្រួតពិនិត្យនៅតាមផ្ទះវីឡា ផ្ទះសំណាក់ បន្ទប់ជួល ដើម្បីបន្តស្វែងរកជនបរទេសស្នាក់នៅដោយខុសច្បាប់ ក្នុងភូមិសាស្ត្រខេត្ត ដែលអាចធ្វើការលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online scams) និងការជួញដូរ ប្រើប្រាស់ គ្រឿងញៀន ក្មេងទំនើង។

* ជាលទ្ធផល

បានចុះត្រួតពិនិត្យទីតាំងបន្ទប់ជួល ០៣កន្លែង ស្ថិតនៅភូមិត្រពាំងផ្លុងទី២ ឃុំត្រពាំងផ្លុង ស្រុកពញាក្រែក មានបន្ទប់ចំនួន​ ៨៨បន្ទប់​ និងទូកុងទឺន័រចំនួន​ ០៩ទូ អាហារដ្ឋាន​ ចំនួន ០១​ និង​ផ្ទះបាយ ចំនួន០២

* រកឃេីញជនបរទេសស្នាក់នៅ ចំនួន​ ២៣នាក់​ ស្រីចំនួន៣នាក់។

* បច្ចុប្បន្ន ជនបរទេសទាំង២៣នាក់ បានបញ្ជូនមកអធិការដ្ឋាននគរបាល ស្រុកពញាក្រែក​ ដេីម្បីធ្វេីការសាកសួរ និងបន្តនីតិវិធី ។

ក្រុមការងារ បានធ្វើការអប់រំ​ ណែនាំ និងធ្វើកិច្ចសន្យា​ តាមអនុក្រឹត្យលេខ​០៣​ របស់រាជរដ្ឋាភិបាល​ និងច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា (Online Scans) ។

កម្លាំងគណៈបញ្ជាការឯកភាពរដ្ឋបាលខេត្ត កំពុងបន្តចុះស្រាវជ្រាវ ត្រួតពិនិត្យ ស្វែងរកទីតាំង ដែលមានការសង្ស័យលួចលាក់ប្រព្រឹត្តបទល្មើស និងការរស់នៅប្រមូលផ្តុំខុសច្បាប់ទាំង ៧ ក្រុង ស្រុក ក្នុងភូមិសាស្ត្រខេត្ត ព្រមទាំងបន្តធ្វើការផ្សព្វផ្សាយ អនុក្រឹត្យ លេខ ០៣របស់រាជរដ្ឋាភិបាល ដើម្បីបោសសំអាតបទល្មើសឆបោក​តាម​ប្រព័ន្ធបច្ចេកវិទ្យា (Online Scams) និងជួញដូរ ប្រើប្រាស់ គ្រឿងញៀន ក្មេងទំនើង ឲ្យអស់ពីទឹកដីខេត្តត្បូងឃ្មុំ និងទប់ស្កាត់មិនឲ្យកើតមានឡើងនោះឡើយ៕

ដោយអនុវត្តតាមអនុសាសន៍ណែ​នាំដ៏ខ្ពង់ខ្ពស់ពី ឯកឧត្តម នាយឧត្តមសេ​នីយ៍ ស ថេត អគ្គស្នងការនគរ​បាលជាតិ
ខេត្តត្បូងឃ្មុំ ៖ រសៀលថ្ងៃសុក្រ ៥រោច ខែជេស្ឋ ឆ្នាំ​មមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែ​មិថុនា​ ឆ្នាំ២០២៦​ លោកឧត្តមសេនីយ៍ទោ ចិន នី ស្នងការ នគរបាលខេត្តត្បូងឃ្មុំ លោកស្នងការរង លោកនាយការិយាល័យ និងសហការីពាក់ព័ន្ធ បានអញ្ជើញ​ចូលរួមក្នុងកិច្ចប្រជុំផ្សព្វផ្សាយ និងណែនាំតម្រង់ទិសអំពីដំណើរការជំរឿនមន្ត្រីនគរបាលជាតិកម្ពុជា និងប្រកាសសមាសភាពក្រុមការងារតាមដាន ត្រួតពិនិត្យការអនុវត្ត តួនាទី ភារកិច្ច និងប្រសិទ្ធភាពការងារក្នុងសមត្ថកិច្ចក្រសួងមហាផ្ទៃ
-កិច្ចប្រជុំនេះបានប្រព្រឹត្តធ្វើឡើងក្រោមអធិបតីភា​ពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រព័ន្ធវីដេអូហ្សូម (VDO ZOOM) ។