ShFMU "Faik Konica"

Nxënësit e klasave të dyta morën pjesë në aktivitetin “Studiueset Femra në Shkencë”, të organizuar në Fakultetin e Edukimit.

Gjatë vizitës, ata patën mundësinë të shohin përmes eksperimenteve zbulimet e shkencëtarëve femra të realizuara nga studentet e programit fillor. Përmes këtij aktiviteti nxënësit përjetuan momente interesante dhe edukative që zgjuan kureshtjen e tyre për shkencën.

Falënderojmë profesoreshën Arlinda Bytyqi Damoni për mikpritjen dhe përvojën e vlefshme të ofruar për nxënësit tanë.

Fëmijët e klasave përgatitore të mësueseve Florije dhe Valona festuan me gëzim përfundimin e këtij viti shkollor.

Të gatshëm për klasën e parë, ata nisin një rrugëtim të ri drejt dijes dhe sukseseve të ardhshme.
Suksese!

Nxënësit e klasave të gjashta dhe të shtata patën mundësinë të vizitojnë Panairin e 26-të të Librit në Prishtinë, një ngjarje e rëndësishme kulturore që mbledh çdo vit dashamirës të librit dhe të dijes.

Gjatë vizitës, nxënësit u njohën me botime të ndryshme, autorë dhe shtëpi botuese, duke pasuruar njohuritë e tyre dhe duke nxitur interesimin për leximin.

Me entuziazëm dhe vëmendje të veçantë, nxënësit tanë patën mundësinë të dëgjojnë rrëfimet e z. Valon Murati për angazhimin e tij në LKÇK dhe UÇK.

Përmes rrëfimeve të z. Murati, nxënësit shënuan 12 Qershorin – Ditën e Paqes.

Faleminderit Komunës së Prishtinës për iniciativën, dhe z. Valon Murati për kohën e ndarë dhe mesazhet e vlefshme që përcolli te nxënësit tanë.

Vazhdojmë të jemi konsistentë në sukseset dhe arritjet e nxënësve tanë. Bravo të gjithë nxënësve pjesëmarrës për përkushtimin, angazhimin dhe punën e tyre!

Jemi të lumtur që shkolla jonë ka arritur të fitojë vendin e dytë në nivel komunal në Garat e Diturisë. 👏🏆

Vendi i parë në Gjuhë Angleze – Klea Shala;
Vendi i parë në Biologji – Adea Millaku;
Vendi i katërt në Gjeografi – Leard Sallahu;
Vendi i katërt në Gjuhë Shqipe – Jora Byçmeti;
Vendi i katërt në Kimi – Akil Miftari;
Vendi i pestë në Fizikë – Tiara Bytyçi;
Vendi i shtatë në Histori – Lira Hajdini;
Vendi i njëmbëdhjetë në Matematikë – Ema Hamiti; dhe
Vendi i tretë në Olimpiadën e Gjuhës Shqipe – Jora Byçmeti.

Faleminderit të gjithëve! Vazhdoni të shkëlqeni gjithmonë dhe kudo që jeni.👊👊

Me krenari ndajmë suksesin e nxenesit Ari Kastrati kl 6/2 në garën Einstein Olympiad – Matematikë dhe shkencë, ku ka dëshmuar përkushtim, talent dhe rezultate

I urojmë Arit edhe shumë suksese të tjera në të ardhmen! 🏅

Sot klasa II/1, pati kënaqësinë të mirëpret Dr. Qëndrim Gashin, Doktor i Shkencave Matematikore.

Nxënësit e pritëm me shumë kureshtje dhe entuziazëm, ndërsa përmes aktiviteteve dhe bashkëbisedimit të ngrohtë dhe inspirues, nxënësit tanë fituan njohuri të reja dhe u motivuan ta duan edhe më shumë matematikën.

E falënderojmë për vizitën, kohën dhe inspirimin që u dhuroi nxënësve tanë.

Supervullnetarët, Duart e Vogla të Prishtinës pas punës njëvjeçare na befasuan me një nga projektet më të veçanta e cila ishte krijimi i bibliotekës “Bota e Qetësisë” brenda shkollës. Projekt sensibilizues dhe atraktiv, ku nxënësit mund të gjejnë materiale dhe libra për të lexuar rreth shëndetit mendor.

Supervullnetarët (Duart e Vogla të Prishtinës) janë një klub aktiv, i udhëhequr nga arsimtarja Makfire dhe Pajtesa. Falënderojmë OJQ TOKA, si dhe shtëpitë botuese Dukagjini, Libri Shkollor, Albas, për mbështetjen dhe kontributin e tyre në realizimin e projektit tonë.



8 Qershor 2026